فرانتسيانىڭ باس شاھارى – پاريجدە سپورتتىق گيمناستيكادان الەم كۋبوگىنىڭ 4-كەزەڭى مارەسىنە جەتتى. ەكى جىلدان كەيىن وليمپيا ويىندارىن قابىلدايتىن سارايدىڭ بىرىندە وتكەن باسەكەدە «سەن تۇر, مەن اتايىن» دەگەن تاجىريبەلى گيمناستار شەبەرلىك بايقاستى.
سپورتتى دامىتۋ ديرەكتسياسىنىڭ مالىمەتى بويىنشا اتتا ونەر كورسەتۋ باعدارلاماسىندا قازاقستاندىق ناريمان قۇربانوۆ كۇمىس مەدال جەڭىپ الدى. وتانداسىمىز بۇل جاتتىعۋدا 14.450 ۇپاي جينادى. ونىڭ الدىن ريس ماك لەناگان (15.100) وراپ كەتسە, قىتاي تايپەيىنىڭ وكىلى شاو يۋ يان (14.350 ۇپاي) قولا مەدالعا قول جەتكىزدى.
جالپى, بيىلعى الەم كۋبوگى 6 كەزەڭنەن تۇرادى. قالعان جارىستار 26 قىركۇيەك پەن 2 قازان ارالىعىندا ماجارستاننىڭ سومباتحەي قالاسى مەن 7-9 قازاندا تۇركيانىڭ مەرسين قالاسىندا وتەدى. كەيىننەن الەمنىڭ تاڭداۋلى اتلەتتەرى 29 قازاندا انگليانىڭ ليۆەرپۋلىندە باستالاتىن الەم چەمپيوناتىنا دايىندالادى.