الماتىداعى تولە بي كوشەسىندە بىرنەشە كولىك سوقتىعىستى, دەپ حابارلايدى Egemen.kz.
جكو قاتىسۋشىلارىنىڭ ءبىرى ايتىپ وتكەندەي, №65 باعدارلى اۆتوبۋس تولە بي كوشەسىمەن باتىس باعىتتا كەلە جاتقان. ونىڭ الدىندا Kia Sportage, Kia Optima جانە «گازەل» ماركالى اۆتوموبيلدەرى بولعان.
اۆتوبۋس جۇرگىزۋشىسى Kia Sportage-ءدىڭ ارتقى قاناتىنا ءتيىپ, جەڭىل كولىكتىڭ ايناسىن سىندىرعان. كەيىننەن ول Kia Optima-عا سوعىلعان. اتالعان كولىكتىڭ جۇرگىزۋشىسى جول جيەگىنەن ۇشىپ شىعىپ, ارىق بويىنا توقتاعان. ارتىنان اۆتوبۋس جۇرگىزۋشىسى «گازەلگە» سوعىلعان.
وقيعا ورنىنا بىرنەشە جەدەل جاردەم بريگاداسى كەلىپ, زارداپ شەككەندەردى تەكسەرىپ شىقتى.
قازىر جول پوليتسياسى قىزمەتكەرلەرى وقيعانىڭ ءمان-جايىن انىقتاپ جاتىر.