جاپونيا سانكتسيالار تىزىمىنە 21 رەسەيلىك كومپانيانى قوستى, دەپ حابارلايدى Egemen.kz.
«جاڭا سانكتسيالار قورعانىس ونەركاسىبىنە قاتىسى بار 21 ۇيىمعا قاتىستى. سونداي-اق حيميالىق قارۋدى وندىرۋگە بايلانىستى تاۋارلاردى جەتكىزۋگە تىيىم سالۋدى ەنگىزەدى. شەكتەۋلەر 3 قازاندا كۇشىنە ەنەدى», دەپ جازىلعان جاپونيانىڭ ەكونوميكا, ساۋدا جانە ونەركاسىپ مينيسترلىگىنىڭ سايتىندا.
ەكسپورتقا تىيىم سالىنعان ۇيىمداردىڭ قاتارىندا «موسەلەكترونپروەكت» اق, «ەتالون» نپو, «ەنەرگيا» اق, «ۆو ماشپريبورينتورگ» اق, «ينفورماكۋستيكا» اق, «ساليۋت» زاۋىتى, ا.ي.اليحانوۆ اتىنداعى «كۋرچاتوۆ ينستيتۋتى» ۇلتتىق عىلىمي-زەرتتەۋ ورتالىعى» تەوريالىق جانە ەكسپەريمەنتتىك فيزيكا ينستيتۋتى بار.
بۇعان دەيىن سىرتقى ىستەر ءمينيسترى يوسيماسا حاياشي وتكەن اپتادا نيۋ-يوركتە «جەتىلىك» توبىنىڭ ارىپتەستەرىمەن كەزدەسۋىندە رەسەيگە قارسى سانكتسيالاردى كەڭەيتۋ نيەتى بارىن مالىمدەگەن.