مەملەكەت باسشىسى قاسىم-جومارت توقاەۆتىڭ الدا پرەزيدەنت جانە پارلامەنت سايلاۋلارى وتەتىنى تۋرالى حالىققا الدىن الا ايتقانى بەلگىلى. 1 قىركۇيەكتەگى جولداۋىندا ايتقان ەدى. ەندى, مىنە, پرەزيدەنتىمىز ءتيىستى جارلىققا قول قويىپ, سايلاۋ وسى جىلدىڭ 20 قاراشاسىندا وتەتىن بولدى.
ەكى اي ىشىندە قازاقستاندىقتاردىڭ ەل بولاشاعىنىڭ جارقىن بولۋىنا ايانباي ەڭبەك ەتەتىن پرەزيدەنتىن تاڭداۋعا مۇمكىندىگى بار. مەن دە وسى ەلدىڭ ازاماتى رەتىندە بالالارىمنىڭ كەلەشەگى ءۇشىن ءوز تاڭداۋىمدى جاسايمىن. كونستيتۋتسيالىق رەفورمانىڭ ىسكە اسۋىنىڭ ارقاسىندا سايلاۋ ناۋقانى دا بارلىق زاڭ تالاپتارىن ساقتاي وتىرىپ جۇرگىزىلەتىنىنە سەنەمىن.
سوڭعى ءۇش جىلدا جاسالعان وزگەرىستەر مەن كونستيتۋتسيالىق رەفورما مەملەكەتتىڭ ساياسي قۇرىلىمىنىڭ جاڭا ۇلگىسىن قالىپتاستىردى. قاراپايىم تۇرعىن رەتىندە ەلدەگى ساياسي جۇيەنى وزگەرتۋدىڭ ءمان-ماڭىزىن جاقسى قابىلدايمىن.
پرەزيدەنتتىڭ حالىققا جولداۋىندا ايتىلعان ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزىن بالالاردىڭ ارناۋلى جيناقتاۋشى ەسەپشوتىنا اۋدارۋدى ۇسىنۋى دا ەل اراسىندا قىزۋ قولداۋ تاپتى. بۇل قاراجات وسكەلەڭ ۇرپاقتىڭ ۇلكەن ومىرگە قادام باسۋىنا مۇمكىندىك بەرەدى. ەڭبەكپەن قامتيتىن ءتۇرلى شارالار ارقىلى كەلەسى جىلى 100 مىڭ جاستى جۇمىسقا ورنالاستىرۋ, جاستاردىڭ كاسىپكەرلىك باستامالارىنا قولداۋ كورسەتۋدى جالعاستىرۋ دا كۇن تارتىبىنەن تۇسپەيتىن ماسەلەلەر. وسى الەۋمەتتىك ماڭىزى زور ماسەلەلەر شەشىمىن تاپسا, ەلدەگى ساياسي جۇيەنى وزگەرتۋدىڭ ءمان-ماڭىزىن وڭ باعىتتا ەكەنىن اڭعارتارى انىق.
ءبىر رەتتىك جەتى جىلدىق مەرزىمنىڭ ءمانىسى نەدە؟ مەملەكەت باسشىسى بۇكىل ساياسي جۇيەنى وزگەرتۋدى وزىنەن باستاپ وتىر. سوعان بايلانىستى مەملەكەتتىك قۇرىلىمداعى رەفورمالار جاڭا ەرەجەلەر بويىنشا جۇرگىزىلەدى. اتالعان وزگەرىس ادىلەتتى قازاقستاننىڭ بولاشاعىنا جول اشار قۇقىقتىق نورما. بۇل نورما ەل تىزگىنىن ۇستار جاڭا ساياساتكەرلەر مەن جاڭا ساياسي ليدەرلەردىڭ, سونداي-اق بەتى اشىق, ءجۇزى جارىق, ارى مەن الاقانى تازا, ەلمەن ەتەنە ارالاسا جۇمىس ىستەيتىن, حالىقتى تىڭداتاتىن, ءوزى دە تىڭداي بىلەتىن جاڭا بۋىننىڭ كەلۋىنە مۇمكىندىك بەرەدى. قۇقىقتىق دەموكراتيانىڭ بۇل ۇلگىسى جاڭا ساياسي تۇلعالاردىڭ جوعارى لاۋازىمدى بيلىككە قول جەتكىزۋىن قامتاماسىز ەتەدى.
بۇل سايلاۋ – قابىلدانعان ساياسي رەفورمالاردى ءىس جۇزىندە جۇزەگە اسىرۋ بولىپ سانالادى. سايلاۋ ناۋقانى ەل ەكونوميكاسىن قارقىندى دامىتۋدى, حالىقتىڭ ءال-اۋقاتىن ارتتىرۋدى كوزدەيتىن مىندەتتەردى جۇزەگە اسىرۋعا مۇمكىندىك بەرەدى.
دەموكراتيانىڭ جارقىن ۇلگىسى بولاتىن ساياسي ناۋقان تەك وڭ وزگەرىستەر مەن جاڭا باستامالارعا سەبەپ بولادى دەگەن سەنىمدەمىن.
نۇركەن ارالبەكوۆ,
تۇركىستان وبلىسى قوعامدىق دامۋ باسقارماسى وتباسى جانە جاستار ماسەلەلەرى جونىندەگى ءبولىم باسشىسى