پارلامەنتارالىق اسسامبلەيا جۇمىسىنا قاتىستى

سۇلتانبەك ماكەجانوۆ تمد پاا-نىڭ مەملەكەت قۇرىلىسى جانە جەرگىلىكتى ءوزىن-ءوزى باس­قارۋ تاجىريبەسىن زەردەلەۋ جونىن­دەگى تۇراقتى كوميسسياسىنىڭ وتىرىسىندا باسقا ەلدەردىڭ پار­لامەنت­شىلەرىمەن بىرلەسە وتىرىپ جەرگىلىكتى دەڭگەيدە ەكو­لو­گيالىق ساياساتتى ىسكە اسىرۋ, داع­دارىسقا قارسى رەتتەۋدىڭ زاڭ­نا­مالىق تاجىريبەسىن, مەم­لەكەت-جەكەشەلىك ارىپتەستىك تە­تىك­تەرىنە بايلانىس­تى جانە باسقا دا ماسەلەلەردى تالقىلادى.

سەرگەي كارپليۋك تمد پار­لامەنتارالىق اسسامب­لەياسى­نىڭ باقىلاۋ-بيۋدجەتتىك كوميس­سيا­سىنىڭ وتىرىسىندا ارىپ­تەس­تەرىمەن بىرگە تمد پاا-عا قاتىسۋشى مەملەكەتتەردىڭ 2023 جىلعا ارنالعان مەملەكەتتىك بيۋدجەت تۋرالى زاڭداردى ازىرلەۋ جانە قابىلداۋ جونىندەگى بىرقاتار ماسەلەلەنى تالقىلادى.

سەناتور باقىتجان جۇماعۇلوۆ تمد پاا-نىڭ عىلىم جانە ءبىلىم جونىندەگى تۇراقتى كوميس­سياسىنىڭ وتىرىسىندا تمد-عا قاتىسۋشى مەملەكەتتەرگە ار­نالعان ۇلگى اقپاراتتىق كودەكستىڭ جاڭا رەداكتسياسىنىڭ جوباسىن, «عىلىمي جانە عىلىمي-تەحني­كالىق قىزمەت سۋبەكتىلەرىن مەم­ل­ەكەتتىك اتتەستاتتاۋ تۋرالى» جانە «عىلىمي جانە عىلىمي-تەحني­كالىق ساراپتاما تۋرالى» ۇلگى زاڭداردىڭ ماسەلەلەرىن تالقىلادى.