ۇلىتاۋ وبلىسىندا 20-شى ءوڭىردى بەلگىلەيتىن مەملەكەتتىك تىركەۋ نومىرلىك بەلگىلەرى بەرىلە باستادى, دەپ حابارلايدى Egemen.kz «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءباسپاسوز قىزمەتىنە سىلتەمە جاساپ.
جۇرگىزۋشىلەر جاڭا ءوڭىردى بەلگىلەيتىن كولىك نومىرلەرىن جەزقازعان قالاسىندا ورنالاسقان حالىققا قىزمەت كورسەتۋ ورتالىعىندا الا الادى.
«ازاماتتارعا ارنالعان ۇكىمەت» مەملەكەتتىك كورپوراتسياسى فيليالىنىڭ مالىمەتىنشە, ۇلىتاۋ وبلىسىندا جاڭا نومىرلىك بەلگىلەردى تىركەۋ بۇگىن, 23 قىركۇيەكتە باستالدى.
جالپى وڭىرگە جاڭا ۇلگىدەگى 200-گە جۋىق مەملەكەتتىك ءنومىر كەلىپ ءتۇستى.
بۇرىن قاراعاندى وبلىسىنىڭ مەملەكەتتىك تىركەۋ نومىرىمەن «09» ساپارعا شىققان وبلىس تۇرعىندارى كولىك قۇرالىن تىركەۋ اۋىسقانعا دەيىن ەسكى نومىرمەن ءجۇرۋدى جالعاستىرادى.