قازاقستان ۇلتتىق بانكى مەن قىتاي حالىق بانكى قازاقستاندا يۋانمەن ءوزارا ەسەپ ايىرىسۋدى دامىتۋ مۇمكىندىگىن قاراستىراتىن ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
اتالعان مەموراندۋم كليرينگ جانە ۇلتتىق ۆاليۋتاداعى ترانسشەكارالىق ەسەپ ايىرىسۋدى دامىتۋ ماقساتىندا دەرەكتەرمەن الماسۋ ماسەلەلەرى بويىنشا ورتالىق بانكتەردىڭ ۋاعدالاستىقتارىن بەكىتەدى.
«مەموراندۋم جاساسۋ – قازاقستان مەن قىتاي اراسىندا قارجى سالاسىنداعى قازاقستان-قىتاي ىنتىماقتاستىعىن نىعايتۋداعى جاڭا قادام. ول ترانسشەكارالىق ەسەپ ايىرىسۋلاردا ۇلتتىق ۆاليۋتالاردى نەعۇرلىم كەڭىنەن پايدالانۋعا, سونداي-اق ءوزارا ساۋدا جانە ينۆەستيتسيالىق قىزمەتتى دامىتۋعا ىقپال ەتەدى», دەلىنگەن حابارلامادا.