پرەمەر-مينيستر قاراعاندى وبلىسىندا بولعان جول اپاتىنان قازا تاپقان دارىگەرلەردىڭ جاقىندارىنا كوڭىل ايتتى, دەپ حابارلايدى Egemen.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.
«كەشە كەشكىسىن قاراعاندى وبلىسىندا قايعىلى جاعداي بولعانىن بىلەسىزدەر. سارىشاعان اۋىلىنىڭ ماڭىندا جول اپاتىنان 2 دارىگەر قازا تاۋىپ, 8 مەديتسينا قىزمەتكەرى زارداپ شەكتى. ولار قازاقمىس كومپانياسىنىڭ قىزمەتكەرلەرىن مەديتسينالىق تەكسەرۋدەن كەيىن قايتىپ كەلە جاتقان. قازا بولعانداردىڭ تۋىستارى مەن جاقىندارىنا قايعىرىپ كوڭىل ايتامىن. ال, زارداپ شەككەندەردىڭ تەزىرەك ساۋىعىپ كەتۋلەرىن تىلەيمىن», دەدى ءاليحان سمايىلوۆ.
سونداي-اق پرەمەر-مينيستر ۇكىمەتتىڭ تاياۋداعى وتىرىسىنىڭ بىرىنە جولداعى قاۋىپسىزدى ماسەلەسىن ەنگىزۋدى تاپسىردى.
ەسكە سالا كەتەيىك, بۇعان دەيىن قاراعاندى وبلىسىندا جول اپاتىنان ەكى دارىگەر كوز جۇمعانىن حابارلاعان ەدىك.