جامبىل وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ جانە تاراز قالاسى پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرىمەن بىرگە قالا ماڭىنان قارۋ-جاراق پەن وق-دارىلەر سالىنعان قاپتى تاپتى, دەپ حابارلايدى Egemen.kz.
«تابىلعان قاپتان ەكى كالاشنيكوۆ اۆتوماتى, FBI8000 گاز تاپانشاسى, جارىق-شۋىلدى گراناتا, اۆتوماتتىڭ وقجاتارلارى, پىشاقتى مىلتىق, پوليتسيا كاسكاسى, رەزەڭكە تاياق جانە ءارتۇرلى كاليبرلى 200-گە جۋىق پاترون الىندى», دەپ جازىلعان پد تاراتقان حابارلامادا.
اتالعان دەرەككە قاتىستى قر قك-ءتىڭ 287-بابى 3-بولىگىمەن سوتقا دەيىنگى تەرگەۋ امالدارى جۇرگىزىلىپ جاتىر. قارۋلارعا سوت-بالليستيكالىق ساراپتاما تاعايىندالدى.