مەملەكەت باسشىسى قاسىم-جومارت توقاەۆ تاجىكستان پرەزيدەنتى ەمومالي راحمونعا كوڭىل ايتۋ جەدەلحاتىن جولدادى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ ەمومالي راحمونعا جانە تاجىك حالقىنا بارشا قازاقستاندىقتاردىڭ جانە جەكە ءوزىنىڭ اتىنان تاجىك-قىرعىز شەكاراسىندا بولعان قايعىلى وقيعا سالدارىنان كوپتەگەن جاۋىنگەر مەن بەيبىت تۇرعىنداردىڭ قازا تابۋىنا بايلانىستى كوڭىل ايتتى.
– باۋىرلاس جانە دوستاس مەملەكەتتەردەگى بۇل قايعىلى وقيعا ءبىزدى قاتتى الاڭداتادى. قازاقستان ايماقتاعى كەز كەلگەن داۋلى ماسەلەنى تەك بەيبىت جولمەن جانە ساياسي ديپلوماتيالىق ادىستەرمەن شەشۋدى جاقتايدى, – دەلىنگەن جەدەلحاتتا.
قازاقستان پرەزيدەنتى قازا تاپقانداردىڭ تۋىستارى مەن جاقىندارىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.