اقش پرەزيدەنتى دجو بايدەن «CBS 60 Minutes» باعدارلاماسىندا كوروناۆيرۋستىق پاندەميانىڭ اياقتالعانىن ايتتى, دەپ حابارلايدى Egemen.kz breitbart باسىلىمىنا سىلتەمە جاساپ.
ۆيرۋس العاش رەت 2019 جىلى جەلتوقساندا قىتايدىڭ حۋبەي پروۆينتسياسىنىڭ ۋحان قالاسىندا انىقتالعان. امەريكا قۇراما شتاتتارىنا 2020 جىلدىڭ باسىندا جەتتى. پاندەمياعا بايلانىستى بىرنەشە شتاتتا سول جىلدىڭ كوكتەمىنەن باستاپ بىرقاتار كاسىپورىن مەن مەكتەپتەر كارانتينگە جابىلدى. كوروناۆيرۋسقا قارسى ۆاكتسينالار ءارتۇرلى ەلدەردە 2020 جىلدىڭ جەلتوقسان ايىنان باستاپ قولجەتىمدى.
باعدارلاما بارىسىندا بايدەنگە «پاندەميا اياقتالدى ما؟» دەگەن ساۋال قويىلدى.
«پاندەميا اياقتالدى. بىراق ءالى دە كوروناۆيرۋس ماسەلەسى بار. ءبىز ءالى دە كوپ جۇمىس ىستەپ جاتىرمىز. بايقاساڭىز, بەتپەردە كيگەن ەشكىم جوق. سوندىقتان ءبارى جاقسى دەپ ويلايمىن. بۇل تاماشا ۇلگى», دەپ جاۋاپ بەردى اقش پرەزيدەنتى.