قوستاناي وبلىسىندا بەلگىسىز بىرەۋ ءوزىن سالىق قىزمەتكەرى رەتىندە تانىستىرىپ, تەكسەرۋ جۇرگىزىپ, اقشا بوپسالاعان, دەپ حابارلايدى Egemen.kz مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
قوستاناي وبلىسى بويىنشا مەملەكەتتىك كىرىستەر دەپارتامەنتىنە سەنىم تەلەفونىنا قوستاناي قالاسىندا بەلگىسىز تۇلعا ءوزىن سالىق قىزمەتكەرى رەتىندە تانىستىرىپ, فيسكالدىق چەكتەردىڭ بەرىلۋىن تەكسەرەدى, تەكسەرۋ جۇرگىزۋ ارقىلى كاسىپكەرلەرگە قاۋىپ توندىرەدى, اقشا بوپسالايدى دەگەن دابىل ءتۇستى.
مەملەكەتتىك كىرىستەر كوميتەتى اتالعان تۇلعانىڭ مەملەكەتتىك كىرىستەر ورگاندارىنا ەش قاتىسى جوق ەكەنىن حابارلادى.
«سالىقتىق تەكسەرۋ, تەكسەرۋگە جاتاتىن ماسەلەلەر كورسەتىلگەن نۇسقاما نەگىزىندە جۇرگىزىلەتىنىنە نازارلارىڭىزدى اۋدارامىز. سونداي-اق كوميتەت سالىق كودەكسىنىڭ 156-بابىنىڭ 1,2-تارماقشالارىنا سايكەس سالىق تولەۋشى سالىقتىق تەكسەرۋ جۇرگىزۋ كەزىندە:
سالىق ورگانىنان تەكسەرۋ جۇرگىزۋ تارتىبىنە قاتىستى سالىق كودەكسىنىڭ جانە قازاقستان رەسپۋبليكاسى زاڭناماسىنىڭ ەرەجەلەرى تۋرالى اقپاراتتى سۇراتۋعا جانە ولاردان الۋعا; سالىقتىق تەكسەرۋ جۇرگىزەتىن سالىق ورگاندارىنىڭ لاۋازىمدى تۇلعالارىنان سالىقتىق تەكسەرۋ جۇرگىزۋ تۋرالى نۇسقامانى, سونداي-اق قىزمەتتىك كۋالىكتەردى نەمەسە سايكەستەندىرۋ كارتالارىن ۇسىنۋدى تالاپ ەتۋگە قۇقىلى ەكەنىن ەسكە سالادى», دەلىنگەن حابارلامادا.