ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى جول قوزعالىسى قاۋىپسىزدىگىن قامتاماسىز ەتۋ ماقساتىندا قالالىق پد اكىمشىلىك پوليتسيا باسقارماسىنىڭ كەلىسىمىمەن ەڭلىك-كەبەك كوشەسىندەگى ۋچاسكەدە ورتاشا جوندەۋ جۇمىستارىن باستايدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
وسى جىلدىڭ 16-17 قىركۇيەگىندە جوندەۋ جۇمىستارىنىڭ جۇرگىزىلۋىنە بايلانىستى ەڭلىك-كەبەك كوشەسىنىڭ بولاشاق كوشەسىنەن 189 كوشەگە دەيىنگى ارالىعى كولىك قوزعالىسى ءۇشىن تولىعىمەن جابىلادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى وتىنەمىز», دەلىنگەن حابارلامادا.