ۇقشۇ باس حاتشىسى قىرعىزستان جانە تاجىكستان قاۋىپسىزدىك كەڭەسىنىڭ حاتشىلارىمەن تەلەفون ارقىلى سويلەستى, دەپ حابارلايدى Egemen.kz.
ۇقشۇ Telegram ارناسىندا حابارلاعانداي, بۇگىن ۇقشۇ باس حاتشىسى ستانيسلاۆ زاس قىرعىزستان رەسپۋبليكاسى قاۋىپسىزدىك كەڭەسىنىڭ حاتشىسى مارات يمانقۇلوۆپەن جانە تاجىكستان رەسپۋبليكاسى قاۋىپسىزدىك كەڭەسىنىڭ حاتشىسى ناسرۋللو ماحمۋدزودامەن قىرعىز-تاجىك شەكاراسىنداعى جاعدايدىڭ كۇرت شيەلەنىسۋىنە بايلانىستى تەلەفون ارقىلى سويلەستى.
«كەلىسسوزدەر بارىسىندا تاراپتار قاقتىعىستى تەك بەيبىت جولمەن شەشۋ ءۇشىن دەرەۋ اتىستى توقتاتۋ جانە قۇزىرەتتى ورگاندار جەلىسى بويىنشا قالىپتاسقان جاعداي تۋرالى كەلىسسوزدەر جۇرگىزۋ قاجەتتىگىن ايتتى», دەلىنگەن حابارلامادا.
ەسكە سالا كەتسەك, 14 قىركۇيەكتە قىرعىزستان مەن تاجىكستان شەكاراسىندا قاقتىعىس بولدى.