ريم پاپاسى فرانتسيسك EXPO حالىقارالىق كورمە ورتالىعىنىڭ اۋماعىندا مەسسا ءراسىمىن وتكىزدى. سودان كەيىن پونتيفيك ءسوز سويلەپ, قازاقستانعا ءارى قاراي دا باۋىرلاستىق پەن تۇسىنىستىكتە ءومىر ءسۇرۋدى تىلەپ, ءوز تاريحىن قادىرلەپ-قاستەرلەۋگە شاقىردى.
«بۇل جەردىڭ تاريحى دا ءتۇرلى اۋىرتپالىقتان كەندە ەمەس. مەن زورلىق-زومبىلىقتىڭ ءابجىلاندارى تۋرالى, اتەيستىك قۋدالاۋلار تۋرالى, حالىقتىڭ ەركىندىگىنە قاتەر تونگەن تىنىشسىز جول تۋرالى ويلايمىن.
بىزگە باسىمىزدان وتكەرگەن قايعى-قاسىرەتتى ەستە ساقتاۋ پايدالى: ءوز جادىمىزدان كەيبىر بەيمالىم دۇنيەلەردى سىزىپ تاستاماۋىمىز كەرەك. ايتپەسە ولاردى اعىپ وتكەن, بىراق كەيىن كەرى اقپايتىن سۋ دەپ سەنىپ قالۋىمىز مۇمكىن», دەدى ريم پاپاسى.
ونىڭ ايتۋىنشا, ەلدى بەيبىتشىلىكتە ۇستاپ تۇرۋ ءۇشىن كۇن سايىن سونىڭ جولىندا ۇزدىكسىز جۇمىس ىستەۋ كەرەك.
«بەيبىتشىلىكپەن ماڭگىلىككە قامسىزدانۋ مۇمكىن ەمەس. ونى ءتۇرلى ەتنوستىق توپتار مەن ءدىني داستۇرلەردىڭ تىرشىلىك ەتۋى, تۇتاستىقتا دامۋ جانە الەۋمەتتىك ادىلەتتىلىك سياقتى كۇن سايىن شىڭداپ وتىرۋ قاجەت. ال قازاقستان باۋىرلاستىق پەن ديالوگتا, تۇسىنىستىكتە بۇدان دا جاقسى دامۋى ءۇشىن وزگە حالىقتارمەن ىنتىماقتى ارىپتەستىك كوپىرىن ورناتۋ ءۇشىن جالپىعا ورتاق كۇش سالۋ كەرەك», دەدى ريم پاپاسى فرانتسيسك.
سىرتقى ىستەر مينيسترلىگىنىڭ مالىمەتىنە سۇيەنسەك, ءىس-شارا وتەتىن اۋماققا 7 مىڭنان اسا ادام جينالعان.