رەسەي ۇلىبريتانيا پاتشايىمىن سوڭعى ساپارعا شىعارىپ سالۋعا قاتىسپايدى. ويتكەنى ەل پرەزيدەنتى مەن كرەمل وكىلدەرى پاتشايىممەن قوشتاسۋ راسىمىنە شاقىرىلماعان, دەپ حابارلايدى Egemen.kz.
ۇلىبريتانيا ۇكىمەتىنىڭ دەرەككوزدەرى مۇنداي قادامدى لوندوننىڭ رەسەي مەن ونىڭ وداقتاسى بەلارۋس ەلىن ۋكراينا جەرىندەگى قاقتىعىس ءۇشىن وقشاۋلاۋعا دەگەن ۇمتىلىسىمەن بايلانىستىرىپ وتىر.
دەسە دە, ۆلاديمير پۋتين بۇعان دەيىن ءىى ەليزاۆانىڭ قايتىس بولۋىنا بايلانىستى كوڭىل ايتىپ, ۇلىبريتانيا پاتشاسى ءىىى چارلزگە قۇتتىقتاۋ حاتىن دا جولداعان ەدى.
سونىمەن قاتار, ۇلىبريتانيانىڭ سانكتسياسىنا ۇشىرعان ميانما وكىلدەرى دە جەرلەۋ راسىمىنە شاقىرىلمايدى.
ايتا كەتەيىك, رەسمي دەرەك بويىنشا 19 قىركۇيەكتە وتەتىن جەرلەۋ راسىمىنە الەم ەلدەرىنىڭ 500-دەن استام وكىلدەرى شاقىرىلعان. راسىمگە اقش باسشىسى دجو بايدەن, ەۋروپالىق وداقتىڭ ۇجىمدىق ورگاندارىنىڭ باسشىلىعى جانە ەۋروپا مەملەكەتتەرىنىڭ كوشباسشىلارى قاتىسادى دەپ كۇتىلۋدە.
نازەركە دۇكەنباي