* قازاقستاندا كاپيتالدى زاڭداستىرۋ 1 قىركۇيەكتەن باستالادى. ول 2015 جىلى 31 جەلتوقساندا اياقتالادى. پرەمەر-ءمينيستردىڭ ورىنباسارى – قارجى ءمينيسترى باقىت سۇلتانوۆتىڭ ايتۋىنشا, زاڭ جوباسىندا م ۇلىكتى جاريا ەتۋدىڭ نەگىزگى قاعيدالارى ايقىندالعان.
* ازىق-ت ۇلىك كورپوراتسياسى سولتۇستىك قازاقستان وبلىسىنان استىق ساتىپ الۋعا 3,3 ملرد. تەڭگە ءبولدى. بۇل تۋرالى ءمالىم ەتكەن وبلىستىق فيليال ديرەكتورىنىڭ ورىنباسارى ابلان ەسەنتاەۆ ونىڭ الدىن الا باعاسى تونناسىنا 20 مىڭ تەڭگەدەن ەكەنىن دە ايتىپ وتىر. بۇگىنگە دەيىن ايماقتاعى اۋىل شارۋاشىلىق تاۋارىن وندىرۋشىلەردەن 70 مىڭ تونناعا ءوتىنىش تۇسكەن.
* پاۆلوداردا «قازاقستاننىڭ ۇزدىك تاۋارى» كورمە-بايقاۋى وتەدى. ءشىلدە ايىنا جوسپارلانىپ وتىرعان بايقاۋ اياسىندا قالانىڭ ورتالىق الاڭىندا اۋقىمدى حالىقتىق جارمەڭكە ۇيىمداستىرىلادى. شاراعا قاتىساتىن وتاندىق تاۋار وندىرۋشىلەر 3 نوميناتسيا بويىنشا سىنعا تۇسەدى.
* قىزىلوردادا جىلىنا 6 مىڭ توننا ەت شىعاراتىن قۇس زاۋىتى سالىنادى. وسىعان وراي «بايقوڭىر» اكك مەن «بايقوڭىر» ۇك بىرلەسكەن شاعىن ماركەت اشۋ جوبالارى قولداۋ تاپتى.
* «بەكىرە-2014» رەيدى كەزىندە جايىق-كاسپي باسسەينىنەن 25 توننادان استام بالىق الىندى. ءساۋىردىڭ 1-نەن باستالعان اكتسيا قۇقىق بۇزۋشىلىقتىڭ 725 فاكتىسىن انىقتادى. اكىمشىلىك جاۋاپكەرشىلىككە 551 ادام تارتىلىپ, 78 قىلمىستىق ءىس قوزعالدى.
«قازاقپارات»,
«قازاقستان جاڭالىقتارى», Egemen.kz حابارلارى بويىنشا دايىندالدى.