12 قىركۇيەكتە قازاقستان اۋماعىندا تۇركىستان ەپارحياسىنىڭ 150 جىلدىعىنا وراي شىعارىلعان «ەستەلىك جانە مەرەيتويلىق داتالار» سەرياسىنان 4 ء(تورت) پوشتا ماركاسى اينالىمعا ەنگىزىلدى, دەپ حابارلايدى Egemen.kz.
پوشتا ماركالارىندا ۋسپەنسك كافەدرالدى سوبورى, حريستوستىڭ تۋ قۇرمەتىنە ارنالعان سوبور, اۋليە الەكساندر نەۆسكيدىڭ قۇرمەتىنە ارنالعان حرام, ۆوزنەسەنسك كافەدرالدى سوبورى بەينەلەنگەن.
پوشتا ماركالارىنا ارنايى بەلگى سوعۋ ءراسىمى قازاقستان پراۆوسلاۆيە شىركەۋىنىڭ مادەني-رۋحاني ورتالىعىندا, ونىڭ باسشىسى – استانا جانە قازاقستان ءميتروپوليتى الەكساندر, «قازپوشتا» اق باسقارما توراعاسى سەرىك ساۋداباەۆ, الماتى قالاسىنىڭ اكىمى ەربولات دوساەۆ, باق جانە قوعام وكىلدەرىنىڭ قاتىسۋىمەن ءوتتى.
«بۇل ماركالار بۇعان دەيىن شىعارىلعان ماركالاردىڭ توپتاماسىنا كەرەمەت قوسىمشا بولماق. 2003 جىلى الماتى قالاسىنىڭ ورتالىق مەشىتى مەن ۆوزنەسەنسك كافەدرالدى سوبورى عيماراتى بەينەلەنگەن «يسلام ءدىنى جانە الەمنىڭ باسقا دىندەرى» سەرياسى شىعارىلعان ەدى. سونداي-اق 2006 جىلى الماتى قالاسىنداعى پرەسۆياتايا ترويتسانىڭ ريم-كاتوليكتىك پريحودىنا جانە «حاباد ليۋباۆيچ» سيناگوگاسىنا ارنالعان ماركالار توپتاماسى شىعارىلدى. «قازپوشتا» اق-دا ءتۇرلى كونفەسسيانى تانىتاتىن 18 000 مىڭعا جۋىق ادام ەڭبەك ەتەدى. ءبىزدىڭ قىزمەتكەرلەرىمىز قازپوشتانىڭ نەگىزگى قۇندىلىعى, سول سەبەپتى ارقايسىسىنىڭ ءدىني سەنىم بوستاندىعى قۇقىعىن قۇرمەتتەيمىز. الداعى ۋاقىتتا دا كومپانيا ءدىن جانە كونفەسسياارالىق ديالوگ تاقىرىبىنا ارنالعان ماركالاردى شىعارۋعا دايىن», دەدى قۇتتىقتاۋ سوزىندە «قازپوشتا» اق باسقارما توراعاسى سەرىك ساۋداباەۆ.
راسىمگە قاتىسۋشىلار الەمنىڭ 49 ەلىنەن دەلەگاتتار كەلەدى دەپ جوسپارلانعان الەمدىك جانە ءداستۇرلى دىندەر ليدەرلەرى سەزى قارساڭىندا ماركالاردى شىعارۋ جانە ارنايى بەلگى سوعۋ ءراسىمىن وتكىزۋدىڭ سيمۆولدىق ءمانىن اتاپ ءوتتى.