ءماجىلىس توراعاسى قابيبوللا جاقىپوۆتىڭ جەتەكشىلىگىمەن وتكەن كەشەگى جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتر ەنەرگەتيكاسى وبەكتىلەرىنىڭ جۇمىسىن باقىلاۋدى جانە قاداعالاۋدى ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالدى.
پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ زاڭ جوباسى ەلەكتر ەنەرگەتيكاسى نىساندارىنىڭ جۇمىسىن مەملەكەتتىك باقىلاۋ مەن قاداعالاۋدى جەتىلدىرۋگە باعىتتالعاندىعىن ەرەكشە اتاپ كەتتى. بۇل رەتتە ەلەكتر ەنەرگەتيكاسى نىساندارىنىڭ ەنەرگەتيكالىق جابدىعىنىڭ جاي-كۇيىن جاقسارتۋ, ەنەرگيا وندىرەتىن جانە ونى بەرەتىن ۇيىمداردىڭ كۇزگى-قىسقى كەزەڭدەگى جۇمىسى مەن ەلەكتر جانە جىلۋ ەنەرگياسىن تۇتىنۋشىلاردىڭ كەڭ توبىنىڭ قۇقىقتارىن قورعاۋ ءۇشىن جاۋاپتىلىعىن ارتتىرۋعا دەن قويىلىپ وتىر. اسىرەسە, زاڭدىق قۇجاتتا ەنەرگەتيكا كاسىپورىندارى كورسەتەتىن قىزمەتتەردىڭ ساپاسىن قامتاماسىز ەتۋ تەتىكتەرى قاراستىرىلىپتى.
بۇدان باسقا, ەلىمىزدىڭ بىرىڭعاي ەلەكتر ەنەرگەتيكاسى جۇيەسىندە ەلەكتر ەنەرگياسىنا تاپشىلىق شامادان تىس ارتىپ كەتكەن جاعدايدا ونىڭ ەكسپورتى مەن يمپورتى سالاسىندا شەكتەۋ شارالارى ەنگىزىلمەك. ەلەكتر جەلىلەرىنە قوسىلۋعا رۇقسات الۋدا تۇتىنۋشىلاردىڭ ەلەكتر قۇرىلىمدارىن 100-دەن 200 كيلوۆاتقا دەيىن وزگەرتۋ قاراستىرىلىپتى. ۆيتسە-پرەمەر وسىلايشا شاعىن جانە ورتا بيزنەستىڭ باسىم بولىگى ەلەكتر جەلىلەرىنە مەملەكەتتىك ورگانداردىڭ رۇقساتىنسىز قوسىلۋعا مۇمكىندىك الاتىنىن جەتكىزدى.
قوسىمشا بايانداما جاساعان ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى ىزباق ومىرزاقوۆ زاڭ جوباسى مەملەكەت باسشىسىنىڭ قاتىسۋىمەن وتكەن جينالىستىڭ قورىتىندىلارى بويىنشا حاتتامالىق تاپسىرمانى ىسكە اسىرۋ ماقساتىندا ازىرلەنگەنىن ايتتى.
سونىمەن قاتار, ەلەكتر ەنەرگەتيكاسى وبەكتىلەرىنىڭ جۇمىسىن مەملەكەتتىك باقىلاۋ مەن قاداعالاۋدى جەتىلدىرۋگە, ەلەكتر ەنەرگەتيكاسى وبەكتىلەرىنىڭ ەنەرگەتيكالىق جابدىعىنىڭ تەحنيكالىق جاي-كۇيىن جاقسارتۋعا, ەنەرگيا وندىرەتىن جانە ەنەرگيا بەرەتىن ۇيىمداردىڭ كۇزگى-قىسقى كەزەڭدەگى جۇمىسى, ەلەكتر جانە جىلۋ ەنەرگياسىن تۇتىنۋشىلاردىڭ كەڭ توبىنىڭ قۇقىقتارىن قورعاۋ ءۇشىن جاۋاپتىلىعىن ارتتىرۋعا, ەنەرگەتيكا كاسىپورىندارى كورسەتەتىن قىزمەتتەردىڭ ساپاسىن قامتاماسىز ەتۋگە باعىتتالعانىن اتاپ ءوتتى.
بۇدان باسقا, زاڭ جوباسىندا قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىندە ەلەكتر ەنەرگياسىنا تاپشىلىق نە پروفيتسيت بولعان جاعدايدا ەلەكتر ەنەرگياسىنىڭ ەكسپورتى مەن يمپورتى سالاسىندا شەكتەۋ شارالارى ەنگىزىلەدى.
زاڭ جوباسىن جۇمىس توبى تالقىلاعان كەزدە تۇراقتى كوميتەتتەردىڭ, دەپۋتاتتاردىڭ, زاڭناما ءبولىمىنىڭ ۇسىنىسى بويىنشا زاڭ جوباسىنىڭ ەرەجەلەرىنە بىرقاتار وزگەرىستەر ەنگىزىلىپتى.
اكىمشىلىك قۇقىق بۇزۋشىلىق تۋرالى كودەكسىنە وزگەرىستەردى تالقىلاۋ كەزىندە دەپۋتاتتار ەسكەرتۋ سياقتى سانكتسيانى الىپ تاستادى. بۇدان باسقا, زاڭدى تۇلعالاردىڭ شاعىن, ورتا نەمەسە ءىرى بيزنەس سۋبەكتىلەرىنە تيەسىلىلىگىنە قاراي ولارعا ايىپپۇلدار بولىگىنە تۇزەتۋلەر ەنگىزىلگەن, سونداي-اق, ەنەرگيا ءوندىرەتىن جانە ەنەرگيا بەرەتىن ۇيىمداردىڭ تەحنولوگيالىق بۇزۋشىلىقتار تۋرالى اقپاراتتى ۇسىنۋ تۋرالى تالاپتاردى بۇزعانى ءۇشىن اكىمشىلىك جاۋاپتىلىعىن بەلگىلەيتىن جاڭا باپ ۇسىنىلىپتى.
دەپۋتاتتاردىڭ پىكىرىنشە, قولدانىستاعى زاڭنامادا بار تەتىكتەر ەنەرگەتيكا سالاسىنداعى باقىلاۋ جانە قاداعالاۋ ورگانىنا جىلىتۋ ماۋسىمىندا ولقىلىقتارعا جول بەرمەۋ ماقساتىندا ەنەرگەتيكا كاسىپورىندارىنىڭ زاڭنامانى بۇزۋشىلىقتى انىقتاۋعا جانە وعان دەر كەزىندە ارەكەت ەتۋگە مۇمكىندىك بەرەدى, ال نورمانى ازىرلەۋشىنىڭ رەداكتسياسىندا قابىلداۋ رەيدەرلىك پەن سىبايلاس جەمقورلىق قۇقىق بۇزۋشىلىقتار ءۇشىن جاعداي جاسايدى.
زاڭ جوباسى بويىنشا جۇمىس توبىنىڭ 16 وتىرىسى وتكىزىلگەن ەكەن. ءماجىلىستىڭ دەپۋتاتتارىنان, تۇراقتى كوميتەتتەرىنەن جانە زاڭ بولىمىنەن زاڭ جوباسى بويىنشا كەلىپ تۇسكەن 250-دەن استام ەسكەرتپە مەن ۇسىنىس قارالىپ, تالقىلانىپتى.
ءماجىلىستىڭ بارلىق كوميتەتتەرى وسى زاڭ جوباسى بويىنشا وڭ قورىتىندىلارىن بەردى.
جالپى وتىرىستا دەپۋتاتتار قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ ءجونىندەگى ەسەپ كوميتەتىنىڭ 2013 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن جۇمىسقا الدى.
ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراقۇسوۆا دەپۋتاتتارعا ەسەپتە 2013 جىلى رەسپۋبليكالىق بيۋدجەتتىڭ اتقارىلۋىنىڭ ماكروەكونوميكالىق جاعدايلارىنا, مەملەكەتتىك جانە سالالىق باعدارلامالاردىڭ, مەملەكەتتىك ورگانداردىڭ ستراتەگيالىق جوسپارلارىنىڭ, ينۆەستيتسيالىق جوبالاردىڭ ىسكە اسىرىلۋ تيىمدىلىگىنە باعا بەرىلگەنىن مالىمدەدى.
پالاتا وتىرىسىندا «قازاقستان رەسپۋبليكاسىنىڭ ۇكىمەتى مەن ەستونيا رەسپۋبليكاسىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى جۇمىسقا الىندى.
جالپى وتىرىستا ءسوز العان ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن ءاشىمباەۆ كەلىسىم ەلدەردىڭ ينۆەستيتسيالىق احۋالىن جاقسارتۋعا جانە مەملەكەتتەر اراسىنداعى ءوزارا ءتيىمدى ساۋدا-ەكونوميكالىق ىنتىماقتاستىقتى ودان ءارى دامىتۋعا ىقپال ەتەتىنىن مالىمدەدى.
سونىمەن قاتار, ءماجىلىس قورجىنىنا «قازاقستان رەسپۋبليكاسىنىڭ ۇكىمەتى مەن سينگاپۋر رەسپۋبليكاسىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ ءجانە سالىق سالۋدان جالتارۋعا جول بەرمەۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى مەن سينگاپۋر رەسپۋبليكاسىنىڭ ۇكىمەتى اراسىنداعى حاتتامانى راتيفيكاتسيالاۋ تۋرالى» زاڭ جوباسى دا الىندى.
ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇرىلىس وبەكتىلەرىن جوبالاۋ سالاسىنداعى ساراپشىلىق قىزمەتتى رەفورمالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن جۇمىسقا الدى.
ەكونوميكالىق رەفورما جانە الەۋمەتتىك دامۋ كوميتەتىنىڭ توراعاسى سەيىتسۇلتان ايىمبەتوۆ زاڭ جوباسىن ازىرلەۋ قۇرىلىس وبەكتىلەرىن جوبالاۋ جانە ونىڭ تيىمدىلىگىن ارتتىرۋ سالاسىنداعى ساراپشىلىق قىزمەت نارىعىنىڭ جۇيەسىن جەتىلدىرۋ قاجەتتىلىگىنە بايلانىستى بولعانىن ءمالىم ەتتى.
سونداي-اق, وتىرىستا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋدا قىزمەتىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن جۇمىسقا الدى.
اسقار تۇراپباي ۇلى,
«ەگەمەن قازاقستان».