سەناتتا اۋعانستان ۇلتتىق اسسامبلەياسى ۆولەسي جيرگا اپپاراتىنىڭ وكىلدەرىمەن كەزدەسۋ بولدى. مەيماندار ءبىزدىڭ ەلىمىزگە تانىسۋ ساپارىمەن كەلگەن بولاتىن, دەپ حابارلادى وسى پالاتانىڭ ءباسپاسوز قىزمەتى.
ەكى ەلدىڭ زاڭ شىعارۋ ورگاندارى اپپاراتتارىنىڭ اراسىندا كەڭەسۋلەر بولىپ, تاجىريبە الماسىلدى. قازاقستان پارلامەنتى سەناتى اپپاراتىنىڭ قىزمەتكەرلەرى ەلىمىزدەگى زاڭ شىعارۋ ۇدەرىستەرى, مەملەكەتتىك باسقارۋ جۇيەسىندەگى سەناتتىڭ ءرولى, جوعارعى پالاتانىڭ قىزمەتىن قامتاماسىز ەتۋ جونىندەگى جۇمىستار تۋرالى اڭگىمەلەدى. اۋعان دەلەگاتسياسى, سونداي-اق, اپپاراتتىڭ قۇرىلىمدىق بولىمدەرىنىڭ جۇمىستارى, پارلامەنتارالىق بايلانىستاردى دامىتۋ جانە بۇقارالىق اقپارات قۇرالدارىمەن ءوزارا ءىس-قيمىل تۋرالى دا حاباردار ەتىلدى.