مەملەكەتتىك قىزمەت ىستەرى جونىندەگى اگەنتتىكتىڭ قوعامدىق كەڭەسىنىڭ كەزەكتى وتىرىسى ءوتتى, دەپ حابارلادى مەملەكەتتىك قىزمەت ىستەرى جونىندەگى اگەنتتىكتىڭ ءباسپاسوز قىزمەتى.
قوعامدىق كەڭەستىڭ ۇسىنىستارىنا سايكەس, الدىڭعى جىلدان بەرى مەملەكەتتىك ورگاندارمەن مەملەكەتتىك قىزمەت كورسەتۋ مەرزىمدەرى بويىنشا بۇزۋشىلىقتى ازايتۋ, ولاردىڭ ساپاسىن ارتتىرۋ جانە ۇسىنۋ ءتارتىبى بويىنشا جۇيەلىك جۇمىس اتقارىلۋدا.
ناتيجەسىندە, بەكىتىلگەن مەملەكەتتىك قىزمەت كورسەتۋ مەرزىمدەرى بويىنشا بۇزۋشىلىقتاردىڭ سانى 8,7 ەسە ازايسا, ال ولاردىڭ ساپاسىنا تىركەلگەن شاعىمداردىڭ سانى 1,35 ەسەگە كەمىپتى.
العاشقى رەت ساپاسىز مەملەكەتتىك قىزمەت كورسەتۋ ءۇشىن جاۋاپكەرشىلىك زاڭنامامەن ەسكەرىلگەن. الدىڭعى جىلدىڭ قورىتىندىسى بويىنشا قىزمەتشىلەرگە قاتىستى 1 198 تارتىپتىك شارالار قولدانىلىپتى. 2013 جىلى 23 مەملەكەتتىك ورگان مەن 16 جەرگىلىكتى اتقارۋشى ورگانداردا وتكىزىلگەن باعالاۋ بويىنشا, مەملەكەتتىك قىزمەت كورسەتۋ ساپاسىنىڭ ايتارلىقتاي جوعارىلاۋىن اتاپ وتۋگە بولادى.
2013 جىلى بارلىعى 94 ملن.-نان استام قىزمەت كورسەتىلگەن. ونىڭ ىشىندە, بارلىق سانىنىڭ 70%-عا جۋىعى جەرگىلىكتى اتقارۋشى ورگاندارمەن كورسەتىلگەن (66 ملن.-نان استام قىزمەت كورسەتۋ). ەڭ تالاپ ەتىلگەن مەملەكەتتىك قىزمەت كورسەتۋلەر دەنساۋلىق ساقتاۋ سالاسىندا بايقالىپتى (42 ملن.-نان استام قىزمەت كورسەتۋ نەمەسە 44%).
العاشقى رەت مەملەكەتتىك قىزمەت كورسەتۋ ساپاسىن باقىلاۋ جۇيەسىندە قوعامدىق وي-پىكىردىڭ قورىتىندىلارى قولدانىلادى.
ادىلەت جانە قارجى مينيسترلىكتەرىمەن, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىمەن جانە وڭتۇستىك قازاقستان وبلىسىنىڭ اكىمدىگىمەن مەملەكەتتىك قىزمەت كورسەتۋ مەرزىمدەرىنىڭ بۇزۋشىلىعىن ازايتۋ بويىنشا قوعامدىق كەڭەستىڭ ۇسىنىستارىن ورىنداۋ قورىتىندىلارى تۋرالى ءوز بايانداماسىمەن اگەنتتىك توراعاسىنىڭ ورىنباسارى سايان احمەتجانوۆ, ادىلەت مينيسترلىگىنىڭ تىركەۋ قىزمەتى كوميتەتىنىڭ توراعاسى باقىت ابىشەۆ, قارجى مينيسترلىگى سالىق كوميتەتىنىڭ توراعاسى ءانۋار جۇمادىلداەۆ, باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءبولىم باسشىسى رۋسلان الكەنوۆ, وقو اكىمى اپپاراتىنىڭ ءبولىم مەڭگەرۋشىسى دوسان الىبەكوۆ شىقتى.
اگەنتتىكتىڭ اۋماقتىق دەپارتامەنتتەرمەن وتكىزىلگەن جوسپاردان تىس تەكسەرىستەرىنىڭ قورىتىندىلارى تۋرالى ۇلتتىق كاسىپكەرلەردىڭ پالاتاسى توراعاسىنىڭ ورىنباسارى گۇلنار قۇربانباەۆا, ينسپەكتسيا جانە باقىلاۋ ءبولىمى مەڭگەرۋشىسىنىڭ ورىنباسارى ليۋدميلا شەكيموۆا ءوز اقپاراتتارىمەن ءبولىستى.
مەملەكەت باسشىسىنىڭ قازاقستان حالقىنا جولداۋىندا قازاقستاندا ەىدۇ ستاندارتتارى جانە قاعيداتتارىن ەنگىزۋ بويىنشا تاپسىرما بەرىلدى. قازىرگى كەزدە قازاقستان ۇكىمەتى ەىدۇ-مەن بىرلەسە وتىرىپ, قازاقستاندا مەملەكەتتىك قىزمەت كورسەتۋدىڭ ستراتەگياسىن ىسكە اسىرۋدا.
سونىمەن قاتار, ەىدۇ-مەن ءوزارا ارەكەتتەسۋ ماسەلەلەرى مەملەكەتتىك قىزمەت سالاسىنداعى وڭىرلىك حابتىڭ قىزمەتىندە ءوز ورنىن الاتىن بولادى.