Astana Hub حالىقارالىق IT-ستارتاپتار تەحنوپاركىندە اۋىل شارۋاشىلىعىن دامىتۋدا جوعارى تەحنولوگيالىق ادىستەمەلەردى تاقىلاۋ باعىتىنداعى «Agritech – Efficiency & Resiliency» اتتى حالىقارالىق كونفەرەنتسيا ءوتىپ جاتىر, دەپ حابارلايدى Egemen.kz.
جيىن بارىسىندا قاتىسۋشىلار اگرارلىق سەكتوردا ديدجيتال تەحنولوگيالاردى پايدالانۋ, شارۋاشىلىق قوجالىقتارعا ارنالعان تسيفرلىق مۇمكىندىكتەر, فرانتسيا مەن قازاقستان كومپانيالارى اراسىنداعى ىقپالداستىق ماسەلەلەرى تالقىلانۋدا.
وعان پەر پۋلەن (Valeur-Tech فرانتسيا), يلان مەزەر (Connecting Food), ديدە كانەسس (فرانتسيانىڭ قازاقستانداعى ەلشىسى), اۋىل شارۋاشىلىق ۆيتسە-ءمينيسترى باعلان بەكباۋوۆ, قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسقار جامباكين, سەرىك تولۋكپاەۆ (Aitas حولدينگى), نۇرلان وسپانوۆ (قازاقستان استىق وندىرۋشىلەر وداعى), تالعات الداجاروۆ (Aitas Agro), ماعجان ماديەۆ (Astana Hub) جانە ت.ب. قاتىسۋدا.
حالىقارالىق كونفەرەنتسيادا ءبىرىنشى بولىپ فرانتسيانىڭ قازاقستانداعى ەلشىسى ديدە كانەسس ءسوز سويلەدى.
«فرانتسيا اۋىل شارۋاشىلىعى سالاسىنداعى كوشباسشىلاردىڭ ءبىرى. ءبىز نوۋ-حاۋ, جاڭا تەحنولوگيالارمەن بولىسە الامىز. قازاقستاندا اۋىل شارۋاشىلىعى قارقىندى دامىپ كەلەدى. تەرريتورياسى اۋقىمدى مەملەكەتتەردىڭ قاتارىندا. سوندىقتان ەكى ەل اراسىنداعى ىنتىماقتاستىعىمىزدىڭ پەرسپەكتيۆاسى زور. مىنا شاراعا قازاقستان مەن فرانتسيا كومپانيالارى قاتىسۋدا. ولار اۋىل شارۋاشىلىعىن تۇراقتى دامىتۋعا قول جەتكىزۋ, سونداي-اق اگرارلىق سالانىڭ ونىمدىلىگى مەن تيىمدىلىگىن ودان ءارى ۇلعايتۋ ىسىندە بىرلەسە جۇمىس ىستەيدى دەگەن سەنىمدەمىز, ءارى وعان تسيفرلاندىرۋدى ايقىن ىقپال ەتەدى», دەدى ول.
اۋىل شارۋاشىلىعى ۆيتسە-ءمينيسترى باعلان بەكباۋوۆ «فرانتسيا ەلىنىڭ تەحنولوگياسىن زەرتتەپ, ءتيىمدىسىن پايدالانۋعا قازاقستان مۇددەلى» دەدى. ءوز سوزىندە ەكى ەل اراسىندا ىنتىماقتاستىقتى ارتتىرىپ, بىرگە ناتيجەلى جۇمىس ىستەۋ ماسەلەسىنىڭ جان-جاقتى تالقىلانىپ جاتقانىن ايتتى.
ايتا كەتسەك, بۇگىندە ەلىمىزدىڭ اگرارلىق سەكتورىندا بىرقاتار شارا اتقارىلۋدا. ەكولوگيالىق قاۋىپسىزدىك تالاپتارىن ەسكەرە وتىرىپ, ونىمدىلىكتى, ءونىم ساپاسىن جانە ءوندىرىستىڭ ەكونوميكالىق تيىمدىلىگىن ارتتىرۋ ءۇشىن اگروتەحنولوگيالار بەلسەندى تۇردە قولدانىلۋدا.
«تسيفرلاندىرۋ ماسەلەسى اۋىل شارۋاشىلىق سالاسى ءۇشىن اسا ماڭىزدى. ءبىز فرانتسۋز سەرىكتەستەرىمەن بىرلەسىپ جۇمىس ىستەۋگە قىزىعۋشىلىق تانىتامىز, ءوزىمىزدىڭ دە بولىسەتىن تاجىريبەمىز بار. ەكونوميكانى دامىتامىز دەسەك, ءىت شەشىمدەرسىز جۇزەگە اسىرۋ مۇمكىن ەمەس. بۇل قاي سالانى بولماسىن شىعىندارىن ازايتىپ, تابىستى ءوسىرۋدىڭ قولايلى ءادىسى. سوندىقتان فرانتسۋز ارىپتەستەرىمىزبەن ۇزاق مەرزىمدى ترەندتەرگە يكەمدەلگەن جانە تۇراقتى بايلانىستاردى قاراستىرىپ جاتىرمىز», دەدى «Aitas group» كومپانياسىنىڭ باس ديرەكتورى سەرىك تولىقباەۆ.
قازاقستاندىق كاسىپكەر ماقسۇت باقتىباەۆتىڭ ايتۋىنشا, جاڭا تەحنولوگيالاردى ەنگىزۋ ءوندىرىس تيىمدىلىگىن عانا ارتتىرىپ قويماي, ءتۇسىمنىڭ ءوزىن 20-30% ارتتىرۋعا ىقپال ەتەدى.
«تسيفروۆيزاتسياعا ەرتە مە, كەش پە ءبارىمىز كەلەمىز. بۇگىندە ونسىز دامۋ جوق. ءوندىرىس ورىندارى, كاسىپكەرلەر ءونىمنىڭ قۇنىن تومەندەتىپ, پايدانى وسىرەتىن ءىت تەحنولوگيالار ەكەندىگىن ءتۇسىنۋى كەرەك», دەيدى ول.
فرانتسيا كومپانيالارى ەلىمىزدەگى اۋىل شارۋاشىلىعىن دامىتۋ ءۇشىن ءوز تەحنولوگيالارىمەن بولىسۋگە دايار ەكەندىگىن جەتكىزدى.
ء«بىز قازاقستان كومپانيالارىمەن بىرگە جۇمىس ىستەۋگە مۇددەلىمىز. مىسالى, ءبىزدىڭ كومپانيا قىزمەتىن ازيا, افريكا ەلدەرى پايدالانادى. داتا مالىمەتتەر ارقىلى اۋىل شارۋاشىلىعىندا شىعىندى قىسقارتا الامىز», دەيدى پاسكال ۆەنزاك Weather Force مەتەو-كومپانياسىنىڭ قۇرىلتايشىسى.
ۇيىمداستىرۋشىلاردىڭ ايتۋىنشا, كونفەرەنتسيانىڭ وتكىزىلۋىنە Aitas Digital, My Easy Farm Platform, Weather Force Company, Connecting Food Platform, Astana Hub Technopark, The Grain Union of Kazakhstan, Most Holding, Thales Alenia Space, Qoldau Internet Resource كومپانيالارى قولداۋ بىلدىرگەن.