استانا. 14 مامىر. بۇگىن مينسكىدە ءوتىپ جاتقان الەم چەمپيوناتى ءتورتىنشى تۋرىنىڭ ويىندارىنا كەزەك بەرىلدى. بۇل تۋرالى چەمپيونات.رۋ حابارلادى.
الدىمەن 12 مامىر كۇنى تۇندە اياقتالعان سوڭعى ەكى ماتچ تۋرالى مالىمەت بەرە كەتەيىك. ولاردا كانادا چەحيانى 4:3 ەتىپ ۇتسا, رەسەي اقش-تى 6:1 ەسەبىمەن تالقانداپ شىقتى.
ال 13 مامىر كۇنى 3 تۋردىڭ سوڭعى 4 ويىنى وينالدى. ولار مىنادا ناتيجەلەر اكەلدى: يتاليا – دانيا 1:4, گەرمانيا – فينليانديا 0:4, نورۆەگيا – شۆەتسيا 1:2, قازاقستان – لاتۆيا 4:5.
قازاقستان قۇراماسىنىڭ لاتۆيامەن ويىنى اسا تارتىستى ءوتتى. ءبىرىنشى كەزەڭدە ءبىزدىڭ كوماندا 2:1 ەسەبىمەن العا شىقتى. بىزدەن شايبالاردى جايلاۋوۆ پەن رىمارەۆ سالسا, لاتىشتاردان يندراشيس ەرلەدى. ال ەكىنشى كەزەڭدە لاتۆيا حوككەيشىلەرى باسىم بولدى – 3:2. سونىمەن, جالپى ەسەپ 4:4-كە جەتتى. لاتىشتار وزدەرىنىڭ ءۇش شايباسىن الدىمەن سالدى (كۋلدا – 2, رەدليح – 1). سوڭىنان انتروپوۆ پەن بلوحين ەكى شايبانىڭ قارىمتاسىن قايتاردى. ءبارىن ءۇشىنشى كەزەڭنىڭ باسىندا شتالس سالعان گول شەشىپ كەتتى.
بۇگىن چەمپيوناتتا ءتورتىنشى تۋردىڭ ويىندارى باستالدى. ازىرگە ەكى ويىننىڭ ناتيجەسى بەلگىلى. چەحتار يتاليانداردى 2:0 ەتىپ جەڭسە, شۆەيتساريا گەرمانيادان 3:2 ەسەبىمەن باسىم ءتۇستى. ال تۇندە سلوۆاكيا – نورۆەگيا, رەسەي – قازاقستان اراسىندا وتەدى.
ەرتەڭ 4 تۋردىڭ قالعان ويىندارى كانادا – دانيا, اقش – لاتۆيا, شۆەتسيا – فرانتسيا, فينليانديا – بەلارۋس اراسىندا وينالادى.
دامير قوجامقۇل.
دەرەككوز: چەمپيونات.رۋ.
فوتو: چەمپيونات.رۋ.