مەملەكەت باسشىسى قاسىم-جومارت توقاەۆ الماتى قالاسى, شىعىس قازاقستان, اقمولا جانە قاراعاندى وبلىستارى اكىمدەرىنىڭ وڭىرلەردەگى ءورت ءسوندىرۋ جۇمىستارى تۋرالى شۇعىل باياندامالارىن تىڭدادى, دەپ حابارلايدى Egemen.kz اقورداعا سىلتەمە جاساپ.
اكىمدەر ءورت وشاقتارىن ءسوندىرۋ ءۇشىن قارقىندى جۇرگىزىلىپ جاتقان جۇمىستار تۋرالى, سونداي-اق تابيعي اپاتقا قارسى تاياۋدا اتقارىلاتىن ءىس-ارەكەت جوسپارلارى تۋرالى حابارلادى. بۇل ءىس-شارالارعا ۇلتتىق ۇلان مەن قارۋلى كۇشتەردىڭ بولىمشەلەرى جۇمىلدىرىلدى.
سونىمەن قاتار مەملەكەت باسشىسىنا ءورت سالدارىنان بولعان زالالدى قالپىنا كەلتىرۋ جانە زارداپ شەككەندەرگە قاجەتتى كومەك كورسەتۋ شارالارى جونىندە اقپارات بەرىلدى.
اكىمدەر ءوز ايماقتارىنىڭ الەۋمەتتىك-ەكونوميكالىق جاعدايى تۋرالى ەسەپ بەردى.
پرەمەر-مينيسترگە توتەنشە جاعدايلار مينيسترلىگىنىڭ وڭىرلىك بولىمشەلەرىن ارناۋلى تەحنيكامەن جانە باسقا دا قاجەتتى قۇرال-جابدىقتارمەن قامتاماسىز ەتۋ تاپسىرىلدى.