اتىراۋ. 14 مامىر. وبلىستا «قازاقستان بارىسى» تۋرنيرىنە ىرىكتەۋ جارىسى اياقتالدى. وندا رەسپۋبليكالىق فينالدا ايماقتىڭ نامىسىن تاعى دا سۇڭعات زاكارياەۆتىڭ قورعايتىنى بەلگىلى بولدى. بۇل تۋرالى egemen.kz ءتىلشىسى حابارلادى.
تۋرنيردە مۇنايلى ءوڭىر سپورتشىلارىنان 20-دان استام پالۋان باق سىناستى. تارتىستى باسەكەدە قارسىلاستارىنىڭ جاۋىرىن جەرگە تيگىزىپ, ايلاسىن اسىرعان ۇركەردەي توپ العا شىقتى. ولاردىڭ اراسىنان 21 جاستاعى پالۋان سۇڭعات زاكارياەۆتىڭ باعى جاندى.
پالۋاننىڭ اكەسى حيسمەت قۋاناەۆ تا تالاي رەت تۇيە پالۋان اتانعان تانىمال سپورتشى ەدى. قازىر قىزىلقوعا اۋدانىنداعى سپورت مەكتەبىندە بالالاردى كۇرەس تۇرلەرىنە جاتتىقتىرادى. اكەسىنەن ۇلگى العان سۇڭعات دزيۋدودان سپورت شەبەرى اتانعان. سالماعى 80 كيلودان ءاساتىن ول مۇندا بارلىق قارسىلاستارىن قاپى قالدىرىپ, اقتىق سىندا بەكبولات سالىقوۆتى ۇتتى. ءسويتىپ, قاتارىنان ەكىنشى جىل «اتىراۋ بارىسى» اتاندى.
وسىلايشا س.زاكارياەۆ بيىل تاعى دا اتىراۋ وبلىسىنىڭ نامىسىن «قازاقستان بارىسى» تۋرنيرىندە قورعايتىن بولدى.
جولداسبەك شوپەعۇل.
دەرەككوز: egemen.kz.
فوتو: www.astana-motors.kz.