شىعىس قازاقستان وبلىسىنىڭ ۇلان اۋدانىندا «وسكەمەن-الماتى» تاسجولىنىڭ 45-ءشى شاقىرىمىندا جول-كولىك وقيعاسى بولدى. Toyota Ipsum كولىگىنىڭ 24 جاستاعى جۇرگىزۋشىسى ءرۋلدى باسقارا الماي, الدىندا كەلە جاتقان كاماز 5320 كولىگىمەن سوقتىعىسقان, دەپ حابارلايدى Egemen.kz شقو پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمەتىنشە, جول-كولىك وقيعاسى سالدارىنان Toyota Ipsum اۆتوكولىگىنىڭ ەكى جولاۋشىسى (1984 جانە 1978 ج.ت. ەر ادامدار) وقيعا ورنىندا قايتىس بولعان. اتالعان كولىكتە بولعان 24 جاستاعى جۇرگىزۋشى مەن ونىڭ ەكى جولاۋشىسى (1982 جىلى تۋعان ەر ادام مەن 2002 جىلى تۋعان جىگىت) ءتۇرلى دەنە جاراقاتتارىمەن اۋرۋحاناعا جەتكىزىلگەن.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 4 بولىگى 345-بابى «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان كولىك قۇرالدارىن باسقاراتىن ادامداردىڭ جول قوزعالىسى ەرەجەلەرىن بۇزۋى» بويىنشا سوتقا دەيىنگى تەرگەۋ باستالدى.
قازىرگى ۋاقىتتا سوتقا دەيىنگى تەرگەپ-تەكسەرۋ ءۇشىن بىرقاتار سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى.