شەنگەن ۆيزالارى بار رەسەي ازاماتتارى ليتۆا, لاتۆيا جانە ەستونيا ەلدەرىنىڭ اۋماعىنا كىرە المايتىن بولدى, دەپ حابارلايدى Egemen.kz انادولى اگەنتتىگىنە سىلتەمە جاساپ.
بۇل تۋرالى لاتۆيا ءسىم باسشىسى ەدگارس رينكەۆيچس ءوزىنىڭ Twitter پاراقشاسىندا حابارلادى.
«بالتىق جاعالاۋى ەلدەرى ەو شەنگەن ۆيزالارى بار رەسەي فەدەراتسياسى ازاماتتارىنىڭ شەكارادان ءوتۋىن شەكتەۋ تۋرالى كەلىسىمگە كەلدى», دەدى ديپلومات.
ونىڭ ايتۋىنشا, بالتىق ەلدەرىنىڭ ۇكىمەتتەرى بۇل شەشىمدى ۇلتتىق راسىمدەرگە سايكەس قابىلداپ, كۇشىنە ەنگىزدى.
بۇعان دەيىن ەۋروپالىق كوميسسيا رەسەيمەن ۆيزالىق رەجيمدى جەڭىلدەتۋ تۋرالى كەلىسىمدى تولىعىمەن توقتاتۋ تۋرالى ۇسىنىستى ماقۇلداعان ەدى.