الەمنىڭ بۇرىنعى ءبىرىنشى راكەتكاسى, «ۇلكەن دۋلىعا» ءتۋرنيرىنىڭ ءۇش دۇركىن چەمپيونى, ۇلىبريتانيالىق ەندي ماررەي Astana Open ATP 500 جارىسىندا وينايدى, دەپ حابارلايدى Egemen.kz قازاقستان تەننيس فەدەراتسياسىنا سىلتەمە جاساپ.
ماررەي جارىستى ۇيىمداستىرۋشىلاردان ارنايى شاقىرتۋ العان.
ەندي – ءۇش بىردەي «ۇلكەن دۋلىعا» دوداسىندا (Wimbledon – 2013, 2016, US Open-2012) ۇزدىك شىعۋمەن بىرگە تەننيس تاريحىندا ەرلەر اراسىندا جەكەلەي سىندا ەكى مارتە وليمپيادا چەمپيونى اتانعان جالعىز سپورتشى.
ايتا كەتەيىك, 1-9 قازان ارالىعىندا ەلورداداعى «Beeline Arena» ۇلتتىق تەننيس ورتالىعىندا وتەتىن ايتۋلى دودادا ە.ماررەيدەن باسقا «ۇلكەن دۋلىعا» تۋرنيرلەرىنىڭ چەمپيوندارى: دانيل مەدۆەدەۆ (US Open-2021), مارين چيليچ (US Open-2014) جانە ستەن ۆاۆرينكا (Australian Open-2014, Roland Garros-2015, US Open-2016) باق سىنايدى.