قىزمەتىن وجەتتىكپەن اتقارۋدا

ماسەلەن, شەت اۋدانىنداعى قىزىلتاۋ اۋىلىنان 12 شا­قىرىم جەردە قۇرعاق ءشوپ لاپ ەتىپ تۇتانىپ, ءاپ-ساتتە 300 گەك­تار جەردى شارپىپ ۇلگەردى. بۇدان بولەك, وسى اۋداننىڭ نۇرا­تالدى اۋىلدىق وكرۋگىنىڭ ما­ڭىندا دا دالا ءورتى بۇرق ەتە ءتۇستى. بۇل جولى جالىن 1000 گا اۋماققا جايىلدى.

سونىمەن قاتار بۇقار جىراۋ اۋدانىنداعى بەلاعاش ورمانشىلىعىنىڭ اۋماعىندا, تورتكول اۋىلىنان سولتۇستىك-شى­عىسىنا تامان تۇستەن كەيىن جال­پى كولەمى 10 گەكتارداي اۋماق­تاعى قۇرعاق شوپتەر مەن اعاشتار وتقا وراندى.

ءتىلسىز جاۋ شەت, قارقارالى جانە نۇرا اۋداندارىندا دا بوي كورسەتتى. بۇل جەرلەردەگى دالا ءورتىنىڭ جىلدام سوندىرىلگەنىن ايتا كەتكەن ءلازىم.

وبلىستىق توتەنشە جاع­دايلار دەپارتامەنتى حابار­لا­عانداي, بارلىق ءورت وشاق­تا­رىنا تجد, جەرگىلىكتى ات­قا­رۋشى ورگانداردىڭ ەرىكتى ءورت ءسوندىرۋ قۇرامالارى جانە ور­مانشىلىقتاردىڭ كۇش­تەرى وت اپاتىمەن كۇرەسىپ جاتىر. «تابيعي ورتتەر مەن جانۋدى جويۋ­عا بارلىعى 362 ادام مەن 83 تەحنيكا جۇمىلدىرىلدى», دەلىنگەن تجد حابارلاماسىندا.

ايتا كەتۋ كەرەك, تابيعي ورت­پەن كۇرەس بارىسىندا قارا­عان­دىلىق ءورت سوندىرۋشىلەر باسىن قاتەرگە تىگىپ, ءوز قىزمەتىن وجەت­تىكپەن اتقارىپ ءجۇر.

قازىرگى تاڭدا تابيعي ورت­تەردىڭ شىعۋ سەبەپتەرى انىقتالۋ ۇستىندە. توتەنشە جاعدايلار قىزمەتى بول­سا, تۇرعىنداردى ءورت قاۋىپ­سىزدىگى ەرەجەلەرىن قا­تاڭ ساقتاۋعا شاقىرىپ, مالىم­دەمە جاسادى.

قاراعاندى وبلىسى