استانا. 14 مامىر. ەكسپو-2017 كورمە كەشەنىنىڭ نەگىزگى عيماراتى – قازاقستان ۇلتتىق پاۆيلونىن سالۋ ماۋسىم ايىندا باستالادى دەپ كۇتىلۋدە. بۇل تۋرالى primeminister.kz حابارلادى.
ەكسپو-2017 كورمە كەشەنى اۋماعىندا ورنالاساتىن 26 نىساننىڭ ەڭ نەگىزگىسى – ۇلتتىق پاۆيلوندى اقش-تىڭ دۇنيەجۇزىنە تانىمال Adrian Smith + Gordon Gill Architecture كومپانياسى سالادى.
ەستەرىڭىزگە سالا كەتەيىك, 2013 جىلى وتكەن وسى پاۆيلون عيماراتىن تۇرعىزۋعا ارنالعان ارحيتەكتۋرالىق بايقاۋدا ۇسىنىلعان جوبالاردىڭ ىشىندە اتالعان كومپانيانىڭ شار تارىزدەس ەسكيز-ۇلگىسى ۇزدىك شىققان.
ۇلتتىق پاۆيلون ديامەترى 80 مەتر كەلەتىن سفەرانى بەينەلەيدى.
ەكسپو-2017 كەشەنىندە كورمە عيماراتتارىنان باسقا, تۇرعىن ءۇي كەشەندەرى, مەكتەپ, بالا-باقشا, قوناق ءۇي جانە كونگرەسس-حولل كىرەدى.
جولدىباي بازار.
دەرەككوز: primeminister.kz
فوتو: gazeta.kz.