قوستاناي وبلىسىنداعى الاپات ءورتتىڭ سالدارى اقمولا وبلىسى تۇرعىندارىنىڭ دا قابىرعاسىن قايىستىرىپ وتىر. ەجەلدەن «كورشى اقىسى – ءتاڭىر اقىسى» دەپ تۇسىنەتىن ءوڭىردىڭ تۇرعىندارى كومەك قولىن سوزۋدا.
Amanat پارتياسىنىڭ وبلىستىق فيليالى مۇرىندىق بولىپ, ىزگى ىسكە جۇرت جۇمىلىپ كەتتى. اسىرەسە حالىق قالاۋلىلارى مەن پارتيانىڭ باستاۋىش ۇيىمدارى وسى ءبىر سىن ساعاتتا بىرلىكتىڭ مىقتى, نيەتتىڭ ىزگى ەكەندىگىن تانىتا ءبىلدى. ءاپ ساتتە جاندى جاناشىرلىق جايلى قۇلاقتانعان حالىق قولدا بارىمەن ءبولىسىپ, وسى قاجەت بولادى-اۋ دەگەن زاتتاردى جيناستىرىپ جاتىر.
اۋليەكول ءوڭىرىنىڭ تۇرعىندارىنا 8 جۇك كولىگىنە تيەلگەن 15 توننا ازىق-ت ۇلىك, جىلى كيىم-كەشەك ءتارىزدى كۇندەلىكتى ومىرگە اسا قاجەتتى زاتتار جينالىپ, گۋمانيتارلىق كومەكتىڭ العاشقى لەگى اتتاندىرىلدى.
وڭىردەگى بەلسەندى ازاماتتار دا الەۋمەتتىك جەلى ارقىلى باستاما كوتەرىپ, جۇرتىمىزدىڭ جاقسى قاسيەتى – قايىرىمدىلىق حاقىندا وي قوزعاۋدا. بىرلىگى بەكەم ەلدىڭ وسى ءبىر تىرلىگى قاشاندا كوڭىلگە دەمەۋ.
اقمولا وبلىسى