ۇلتتىق بانك بازالىق مولشەرلەمەنى 14,5% دەڭگەيىندە ساقتاپ قالدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى +/– 1,0 پ.ت. پايىزدىق دالىزىمەن جىلدىق 14,5% دەڭگەيىندە بەلگىلەۋ تۋرالى شەشىم قابىلدادى. تيىسىنشە, وتىمدىلىكتى ۇسىنۋ جونىندەگى تۇراقتى قول جەتكىزۋ وپەراتسيالارى بويىنشا مولشەرلەمە 15,5%-دى, ال وتىمدىلىكتى الۋ جونىندەگى تۇراقتى قول جەتكىزۋ وپەراتسيالارى بويىنشا مولشەرلەمە 13,5%-دى قۇرايدى», دەلىنگەن ۇلتتىق بانكتىڭ ءباسپاسوز قىزمەتى تاراتقان حابارلامادا.
شەشىم قالىپتاسقان ەكونوميكالىق جاعدايدى, تاۋەكەلدەر تەڭگەرىمىن, سونداي-اق ۇلتتىق بانكتىڭ جاڭارتىلعان بولجامدارىن ەسكەرە وتىرىپ قابىلداندى. لوگيستيكالىق قىزمەتتەر قۇنىنىڭ وسۋىنەن, ساۋدا ارىپتەسى سانالاتىن ەلدەردەگى جوعارى ينفلياتسيادان جانە تەڭگە باعامىنىڭ رۋبلگە قاتىستى السىرەۋىنەن تۋىنداعان سىرتقى سەكتور تاراپىنان قىسىم ساقتالۋدا. دەگەنمەن الەمدەگى ازىق-ت ۇلىك باعاسى تومەندەپ كەلەدى.
باعانىڭ وسۋىنە تۇرتكى بولعان ىشكى قوزعاۋشى كۇشتەر اراسىندا الەمدىك نارىقتاردان كەيىن ازىق-ت ۇلىك باعاسىنىڭ تومەندەۋىن تەجەيتىن جانە ورتا مەرزىمدى پەرسپەكتيۆادا سۇرانىس تاراپىنان جوعارى قىسىم كورسەتەتىن ىنتالاندىرۋشى فيسكالدىق سەرپىندى اتاپ وتۋگە بولادى.
جوعارى ينفلياتسيا ىشكى باعالاردىڭ سىرتقى باعا وزگەرىستەرىنە بەيىمدەلۋىنە نەگىزدەلگەن, بۇل قازىرگى كەزەڭدە اقشا-كرەديت تالاپتارىن قوسىمشا قاتايتۋدى تالاپ ەتپەيدى. بۇدان باسقا, 2022 جىلدىڭ باسىنان باستاپ بازالىق مولشەرلەمەنىڭ ايتارلىقتاي ارتۋىنىڭ ەكونوميكاعا اسەرى ءالى دە بولسا سوڭىنا دەيىن بايقالماي وتىر جانە شارالاردى تۇزەتۋ ءۇشىن كەيىننەن ءتيىستى باعالاۋ جۇرگىزۋ قاجەت.
ينفلياتسيالىق كۇتۋلەر جوعارى دەڭگەيدە قالىپ وتىر. 2022 جىلعى تامىزداعى ينفلياتسيانىڭ مەديانالىق باعاسى 16,5%-دى قۇرادى.
«2022 جىلى ۇلتتىق بانكتىڭ قازاقستانداعى ەكونوميكانىڭ وسۋىنە قاتىستى بولجامدارى ىسكەرلىك بەلسەندىلىكتىڭ باياۋلاۋى اياسىندا قايتا قارالدى. بيىلعى جىلدىڭ قورىتىندىسى بويىنشا, ءىرى كەن ورىندارىندا كۇتىلەتىن جوسپارلى جوندەۋ جانە كاسپي قۇبىر كونسورتسيۋمىندا ساقتالىپ وتىرعان بەلگىسىزدىك اياسىندا ءجىو ديناميكاسى 2,5-3,5%-عا دەيىن باياۋلايدى», دەلىنگەن حابارلامادا.
ورتا مەرزىمدى باعالاۋ 2023-2024 جىلدارى مۇناي ءوندىرۋدىڭ ءوسۋى اياسىندا ەكسپورتتىڭ وتە جىلدام ءوسۋىن كورسەتەدى. مەملەكەتتىك شىعىستاردىڭ ءوسۋى جاعدايىندا تۇتىنۋشىلىق سۇرانىستىڭ جوعارى ديناميكاسى قوسىمشا ىنتالاندىرۋ كوزدەرىنە اينالادى. سونىمەن بىرگە, فيسكالدىق ىنتالاندىرۋدىڭ سالدارى بولاتىن يمپورتتىڭ جوعارى ديناميكاسى ىشكى سۇرانىستىڭ ءوسۋىن ءىشىنارا تەڭەستىرەدى. 2023 جىلى ءجىو-ءنىڭ ءوسۋ قارقىنىنىڭ 4-5%-عا دەيىن جەدەلدەۋى بولجانىپ وتىر. 2024 جىلى ءجىو ءوسىمى وسىنداي دەڭگەيدە بولادى.
قازىرگى العىشارتتاردى ەسكەرە وتىرىپ, 2022 جىلدىڭ سوڭىنا تامان ينفلياتسيا 16-18% ارالىعىندا بولجانادى.
قر ۇلتتىق بانكىنىڭ اقشا-كرەديت ساياساتى كوميتەتىنىڭ بازالىق مولشەرلەمە جونىندەگى كەزەكتى جوسپارلى شەشىمى 2022 جىلعى 24 قازاندا نۇر-سۇلتان ۋاقىتىمەن 14:00-دە جاريالانادى.