قوستاناي وبلىسىنداعى ورتتەن زارداپ شەككەندەرگە كومەك كورسەتۋ, سونداي-اق كاسىپكەرلەرگە كەلتىرىلگەن زالالدى ەسەپتەۋ ءۇشىن ارنايى شتاب قۇرىلدى, دەپ حابارلايدى Egemen.kz «اتامەكەن» ۇلتتىق كاسىپكەرلەر پالاتاسىنىڭ ءباسپاسوز قىزمەتىنە سىلتەمە جاساپ.
«زارداپ شەككەن ايماققا كەلتىرىلگەن زالالدى باعالاۋدى جۇرگىزۋ ءۇشىن ساراپتاما كوميسسياسى جىبەرىلەدى. رەسمي دەرەكتەرگە قاراي ناقتى زالالدى وتەۋ ءۇشىن زارداپ شەككەن بيزنەسكە قارجى جيناۋ ۇيىمداستىرىلادى», دەدى «اتامەكەن» قر ۇكپ باسقارما توراعاسىنىڭ ءبىرىنشى ورىنباسارى ماقسات كيكيموۆ.
ونىڭ ايتۋىنشا, زارداپ شەككەندەرگە تولەم جيناۋ مەن تولەۋدى ۇيىمداستىرۋ ءۇشىن «كۇشىمىز بىرلىكتە» قورىمەن ۋاعدالاستىققا قول جەتكىزىلدى.
زارداپ شەككەندەر مەن كومەك كورسەتكىسى كەلەتىندەر ۇكپ سall-ورتالىعىنىڭ 1432 جانە وكپ قىزمەتكەرلەرىنىڭ تەلەفوندارى بويىنشا حابارلاسا الادى: + 7 777 037 77 78 , +7 705 153 91 07, +7775 963 10 00.
الدىن الا مالىمەتتەرگە قاراعاندا, قازىرگى ۋاقىتتا تاسجول بويىندا ورنالاسقان ءۇش قوعامدىق تاماقتانۋ وبەكتىسى زارداپ شەككەن. ولاردىڭ ءبىرى جۇمىس ىستەمەيدى.
ەسكە سالا كەتسەك, 2 قىركۇيەك كۇنى قوستاناي وبلىسىندا الاپات ءورت بولدى. 3 قىركۇيەكتە ءورت جاقىن ماڭداعى اۋىلدارعا تاراپ ۇلگەردى.
توتەنشە جاعدايلار ءمينيسترى يۋري يلين ءورتتىڭ سەبەبى وتتى ابايسىز قولدانۋ بولۋى مۇمكىن ەكەنىن ايتتى. قازىر تەرگەۋ ورگاندارى بارلىق مۇمكىن نۇسقالاردى قاراستىرىپ جاتىر.