ەلىمىزدە ەڭ تومەنگى جالاقى مولشەرى كوبەيەدى

«مەملەكەت ەڭ تومەنگى جالاقىنى انىقتاۋدىڭ جاڭا ادىستەمەسىن ەنگىزەدى, ول ونىڭ مولشەرىن كەزەڭ-كەزەڭىمەن ۇلعايتادى. مەن ەڭ تومەنگى جالاقىنى 60-تان 70 مىڭ تەڭگەگە كوتەرۋدى شەشتىم. بۇل 1,8 ميلليون ازاماتتىڭ كىرىسىنە تىكەلەي اسەر ەتەدى.

زەينەتاقى جۇيەسىن ايتارلىقتاي قايتا ىسكە قوسۋ قاجەت. ەڭ تومەنگى بازالىق زەينەتاقى مولشەرلەمەسىن ەڭ تومەنگى كۇنكورىس دەڭگەيىنىڭ 70%-ىنا, ال ەڭ جوعارىسىن 120%-عا دەيىن دايەكتى تۇردە جەتكىزۋ قاجەت», دەدى پرەزيدەنت.

ونىڭ ايتۋىنشا, بۇل 2025 جىلعا قاراي جالپى زەينەتاقىنى ورتا ەسەپپەن 27%-عا ارتتىرۋعا مۇمكىندىك بەرەدى. 

«سونىمەن قاتار كەڭ الەۋمەتتىك سۇرانىستى ەسكەرە وتىرىپ, ايەلدەردىڭ زەينەتكە شىعۋ جاسى 2028 جىلعا دەيىن 61 جاس بولىپ بەكىتىلەدى. بىرىڭعاي جيناقتاۋشى زەينەتاقى قورىنىڭ ءتيىمدى ينۆەستيتسيالىق ستراتەگياسىن ازىرلەۋ قاجەت», دەدى ول.