پرەمەر-ءمينيستردىڭ ورىنباسارى ەرالى توعجانوۆ «ادامي كاپيتال – جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم فورۋمىنىڭ پلەنارلىق وتىرىسىنا قاتىستى.
ۆيتسە-پرەمەر جوعارى ءبىلىم مەن عىلىم ەلدىڭ تەحنولوگيالىق, يندۋستريالىق جانە ەكونوميكالىق دامۋىنىڭ قوزعالتقىشى ەكەنىن اتاپ ءوتىپ, جاڭا عىلىم جانە جوعارى ءبىلىم مينيسترلىگىنىڭ نەگىزگى مىندەتتەرىنە توقتالدى.
«مەملەكەت باسشىسىنىڭ تاپسىرماسىنا سايكەس ءبىلىم جانە عىلىم مينيسترلىگى ەكى ۆەدومستۆوعا ءبولىندى. بۇل عىلىمي قىزمەتتى ۇيلەستىرۋدى كۇشەيتۋ جانە عىلىم مەن جوعارى ءبىلىم ۇيىمدارىنىڭ جۇمىسىن جەتىلدىرۋ, سونداي-اق بارلىق عىلىمي-تەحنيكالىق باعدارلاما مەن زەرتتەۋلەردى قالىپتاستىرۋ مەن ىسكە اسىرۋدى ۇيلەستىرۋ», دەدى ە.توعجانوۆ.
سونداي-اق مەملەكەت باسشىسى سالالىق مەملەكەتتىك ورگانداردىڭ عىلىمي مەكەمەلەرى مەن جوعارى وقۋ ورىندارىن عىلىم جانە جوعارى ءبىلىم مينيسترلىگىنىڭ قاراماعىنا بەرۋ ماسەلەسىن قاراۋدى تاپسىرعانىن ايتتى. بۇل عىلىم سالاسىندا بىرىڭعاي مەملەكەتتىك ساياساتتى قالىپتاستىرۋ ءۇشىن قاجەت.
پرەمەر-ءمينيستردىڭ ورىنباسارى ەرالى توعجانوۆ سالالىق مەملەكەتتىك ورگاندارعا, عزي مەن جوو-لارعا بىرقاتار تاپسىرما بەردى. اتاپ ايتقاندا, سالالىق جوعارى وقۋ ورىندارى مەن عزي-دىڭ ديرەكتورلار كەڭەسىندەگى عجبم وكىلدەرىنىڭ ۇلەسىن ارتتىرۋدى, جوو مەن عزي باسشىلارىنىڭ كانديداتۋراسىن عجبم-مەن مىندەتتى تۇردە كەلىسۋدى, سونداي-اق ەل عالىمدارى ءۇشىن عزي مەن جوو-لاردىڭ زەرتحانالىق جانە عىلىمي بازاسىنا بىرىڭعاي قولجەتىمدىلىكتى قامتاماسىز ەتۋدى جانە قازىرگى جوبالاردىڭ تيىمدىلىگىنە مىندەتتى تۇردە عىلىمي ۇيىمداردىڭ ءاۋديتىن جۇرگىزۋدى تاپسىردى.
«عىلىمدى دامىتۋدىڭ نەگىزگى قاعيداتى – ەلدىڭ الەۋمەتتىك-ەكونوميكالىق دامۋىنا قوسار ۇلەسىن ارتتىرۋ. تەحنيكالىق باعىتتاعى عىلىمي ازىرلەمەلەر ەكونوميكالىق اينالىمعا تارتىلۋعا جانە قۇندىلىقتى ارتتىرۋدىڭ ءتۇيىندى فاكتورىنا اينالۋعا ءتيىس. عىلىمي ازىرلەمەلەردى تولىق كوممەرتسيالاندىرۋعا تەك زەرتتەۋلەر عانا ەمەس, تاجىريبەلىك-كونسترۋكتورلىق, تەحنولوگيالىق جۇمىستار جۇرگىزۋ, ينفراقۇرىلىمدى, تۇتاستاي العاندا, يننوۆاتسيالىق ەكوجۇيەنى دامىتۋ قاجەت. بۇل ەكوجۇيەلەر – تەحنولوگيالىق ينكۋباتورلار, تەحنوپاركتەر, اكسەلەراتورلار, ۆەنچۋرلىق قورلار», دەدى پرەمەر-ءمينيستردىڭ ورىنباسارى.
ەرالى توعجانوۆ كادر دايارلاۋ جۇيەسى قاجەتتى ماماندارمەن وزىق قامتاماسىز ەتۋ مودەلىنە كوشۋگە ءتيىس ەكەنىن اتاپ ءوتتى.
«كادرلاردى وزىق دايارلاۋ مودەلى ءبىلىم باعدارلامالارىن ازىرلەۋگە قويىلاتىن شارتتار مەن تالاپتاردى تۇبەگەيلى وزگەرتەدى. بۇل حالىق تابىسىن ارتتىرۋعا ارنالعان «ماماندىعىم – بولاشاعىم» باعدارلاماسىنىڭ نەگىزىنە الىندى. مۇنى بارلىق ءوڭىر مەن سالادا كەڭەيتۋ قاجەت. جاڭا مودەلدى ءبىز قولدايمىز جانە 2026 جىلعا دەيىنگى ءبىلىم بەرۋدى دامىتۋ تۇجىرىمداماسىندا قاراستىرعان ءجون دەپ سانايمىز», دەدى ە.توعجانوۆ.
حالىقارالىق ساراپشىلاردىڭ باعالاۋىنشا, 4-ءشى دەڭگەيدەگى زاماناۋي ونەركاسىپتىڭ دامۋ كورسەتكىشى ساپالى ادامي كاپيتالعا 68%-عا, ينفراقۇرىلىمعا 16%-عا جانە شيكىزاتقا تەك 12%-عا بايلانىستى. اقپاراتتىق تەحنولوگيالار عاسىرىندا باسەكەگە قابىلەتتى مامانداردى تاربيەلەۋ قاجەت.
عىلىم جانە جوعارى ءبىلىم ءمينيسترى ساياسات نۇربەك سالالىق ۆەدومستۆونىڭ باعىتىن دامىتۋدىڭ نەگىزگى باسىمدىقتارى مەن مىندەتتەرىن اتادى.
«جۇيەلىك شەشىمدەر ۇسىنامىز. ءبىرىنشىسى – گرانتتاردى سارالاۋ. گرانتتار سانىن كوبەيتۋدەمىز. بىلتىرعىمەن سالىستىرعاندا گرانت سانى 19%-عا ءوستى جانە كەلەر جىلى دا ۇلعاياتىن بولادى. ال بيىل 88 مىڭ گرانت ءبولىندى», دەدى س.نۇربەك.
ونىڭ ايتۋىنشا, وتاندىق عىلىم سالالىق, ايماقتىق ماسەلەلەردى شەشۋگە باعىتتالۋى كەرەك.
«مەملەكەت باسشىسى ۇلتتىق عىلىم اكادەمياسىنىڭ مارتەبەسىن كوتەرۋدى تاپسىردى. ۇكىمەت جانىنان ارنايى جۇمىس توبى قۇرىلدى. بۇگىن فورۋمدا ۋنيۆەرسيتەتتەگى عىلىم مەن قولدانبالى عىلىمنىڭ قىزمەت ەتۋ ماسەلەلەرى تالقىلاندى. ماقساتىمىز – جوعارى وقۋ ورىندارىن زەرتتەۋ مودەلىنە كوشىرۋ», دەدى س.نۇربەك.