تىڭشىلىقتان تۋعان داۋ

ەستەرىڭىزگە سالا كەتەيىك, وسى ايدىڭ باسىندا گرەكياداعى ساياساتكەر مەن جۋرناليستەردىڭ تەلەفوندارىن Predator دەپ اتالاتىن شپيوندىق باعدارلامامەن ەلدىڭ ۇلتتىق بارلاۋ اگەنتتىگىنىڭ (EYP) تىڭداعانى تۋرالى اقپارات تاراپ, مۇنىڭ ارتى جانجالعا ۇلاسقان ەدى. ەل پارلامەنتى ارنايى جيىندا وسى وقيعانىڭ تالقىلاناتىنىن حابارلادى.

گرەكيا ءباسپاسوزى تاراتقان اق­پاراتقا قاراعاندا, وپپو­زي­تسيا­لىق پاسوك پارتيا­سى­نىڭ جەتەك­شىسى نيكوس اندرۋلاكيس تەلە­فونىن ۇلتتىق بارلاۋ اگەنت­تى­­گىنىڭ تىڭشىلىق ارنايى باع­دار­لامامەن تىڭداعانى تۋرالى ماسەلەنىڭ تەرەڭىرەك زەرتتەلۋى تۋرالى ەل پارلامەنتىنە ءوتىنىش بەرگەن. مۇنى ەلدەگى باستى وپ­پو­زيتسيالىق سيريزا پارتياسى دا قولداپ, بەرىلگەن وتىنىشكە بايلانىستى 29 تامىزدا وتەتىن پارلامەنتتىڭ جالپى وتىرىسىندا تالقىلاناتىنى حابارلاندى.

كونستيتۋتسيا بويىنشا ما­سە­لەنى پارلامەنتتىڭ تەكسەرۋ ءۇشىن 120 دەپۋتاتتىڭ قولداۋى تالاپ ەتى­لەدى. سيريزا مەن پاسوكتىڭ پار­لامەنتتەگى يە بولاتىن ورىندارىن قوسقاندا عانا 120 ورىندى قۇراۋى – قوس پارتيانىڭ ءبىر-ءبىرىن قولداۋىنا تۇرتكى بولىپ وتىر.

گرەكيا پارلامەنتىنىڭ جالپى وتىرىسقا جينالۋىنا تاعى ءبىر سەبەپ – ۇلتتىق بارلاۋ اگەنتتىگىنىڭ جاڭا باسشىسى فەميستوكليس دەميريس تاعايىندالماق. سيريزا پارتياسى پرەمەر-مينيستر كي­ريا­كوس ميتسوتاكيستى «ساياساتكەر مەن ءجۋرناليستىڭ تەلەفونى تىڭ­دال­عانىن ءبىلدى جانە قولداۋ كور­سەتتى», دەپ ايىپتادى. ال پا­سوك پارتياسىنىڭ جەتەكشىسى ان­درۋ­لاكيس ميتسوتاكيستى «مەملە­كەت­تىك ءتارتىپ تۋرالى مالىمدەمە جاساۋ­دان ۇنەمى قاشقاقتايدى», دەپ سىنعا الدى.

ۇلكەن جانجالعا اينالعان وسى وقيعالار مەن وزىنە تاعىلعان ايىپ­­تارعا قاتىستى ميتسوتاكيس: «بۇل دۇرىس ەمەس, مەنىڭ ەش­نار­سە­دەن حابارىم جوق ەدى جانە بۇعان ەشقاشان جول بەرمەس ەدىم», دەپ مالىمدەمە جاسادى.

ءسوز بولىپ وتىرعان وقيعانىڭ گرەكيا ۇلتتىق بارلاۋ اگەنتتىگىنىڭ كەمشىلىكتەرىن كورسەتىپ بەرگەنىن ايتقان ميتسوتاكيس: ء«بارى زاڭدى تۇردە جاسالعانىمەن, ۇلتتىق بارلاۋ اگەنتتىگى بۇل تىڭشىلىقتىڭ ساياسي سالدارىن ەسكەرمەستەن ارە­كەت ەتتى. بۇل زاڭ تۇرعىسىنان دۇ­رىس بولدى, بىراق ساياسي تۇرعىدان دۇرىس دەپ قابىلدانبايدى», دەدى.

نيكوس اندرۋلاكيس تەلەفو­نىن زاڭسىز تىڭداۋعا جانە جەكە اقپاراتىنا قول جەتكىزۋگە ارەكەت­تەن­گەنى ءۇشىن گرەكيانىڭ جوعارعى سوتىنا (Areios Pagos) شاعىم ءتۇ­سىر­دى.

اندرۋلاكيس 28 ماۋسىمدا ەۋرو­پارلامەنتتىڭ ارنايى قىزمە­تىنە جۇگىنىپ, تەلەفونىنىڭ تىڭ­شى­­لىق باعدارلامامەن قادا­عا­لانىپ جاتقانىن تەكسەرتكەن. تەلە­فوندى العاشقى تەكسەرۋدە Predator اتتى شپيوندىق باع­دار­لا­ماعا قاتىستى كۇدىكتى سىل­تە­مە انىقتالادى. تەكسەرۋ بارى­سىن­­دا اندرۋلاكيستىڭ 2021 جىل­دىڭ 21 قىركۇيەگىندە تەلەفون يەسىنىڭ شپيوندىق باعدارلاماعا باعىتتايتىن سىلتەمەسى بار حابارلاما العانىن انىقتادى. بىراق اندرۋلاكيس حابارلامادا كور­سە­تىل­گەن سىلتەمەنى باسپاعانىن تىلگە تيەك ەتتى.

سونىمەن قاتار ءساۋىر ايىن­دا گرەك ءجۋرناليسى تاناسيس كوۋ­كا­كيستىڭ ۇيالى تەلەفونىنان دا شپيوندىق باعدارلاما انىق­تال­عا­نى تۋرالى اقپارات تارادى. حالىقارالىق ءباسپاسوز ينستيتۋتى (IPI) گرەكيا بيلىگىنەن جۋرناليست كوۋكاكيستىڭ ۇيالى تەلەفونىندا انىقتالعان تىڭشىلىق باعدارلامانى تەكسەرۋدى سۇ­را­دى. ال IPI مالىمدەمەسىندە كوۋ­كا­كيستىڭ ۇيالى تەلەفونى 2021 جىلى 10 اپتا بويى Predator دەپ اتالاتىن باعدارلامامەن قادا­عا­لان­عا­نى ايتىلادى.

وسى وقيعادان كەيىن ۇلتتىق بارلاۋ اگەنتتىگىنىڭ پرەزيدەنتى مەن پرەمەر-ءمينيستردىڭ باس حاتشىسى قىزمەتىنەن كەتتى. ۇلتتىق بارلاۋ اگەنتتىگىنىڭ پرەزيدەنتى پاناگيوتيس كونتولەون 5 تامىزدا ميتسوتاكيسكە «اقپارات جيناۋ پروتسەسىندەگى نەمقۇرايدىلىق» سەبەبىمەن قىزمەتتەن كەتۋگە ءوتى­نىش بەردى. ءبىر قىزىعى, Preda­tor دەپ اتالاتىن شپيوندىق باع­دار­لا­مامەن كوممەرتسيالىق باي­لانىستا بولعان جانە ميتسو­تا­كيس­تىڭ جيەنى ءارى «وڭ قولى» بولعان پرەمەر-ءمينيستردىڭ باس حاتشىسى گريگوريس ديميترياديس دە سول كۇنى ورنىن بوساتتى.

گرەكيالىق حەلسينك بارلاۋ قۇقىعى توبىنىڭ وكىلى پانايوتە ديميتراس جۋرناليستەر مەن پار­تيا جەتەكشىسىن تىڭ­داۋ زاڭ ۇس­تەم­دىگى بار ەلدە قابىل­دان­باي­تىن وقيعا ەكەنىن العا تارتىپ, «قۇقىقتىق دامىعان ەلدە باس حاتشى ەمەس, پرەمەر-مينيستر قىزمەتتەن كەتۋى كەرەك», دەدى.

«كاتيمەريني» گازەتى اندرۋ­لا­كيستى تىڭداۋعا ءوتىنىش «ۋكراين جانە ارميان ارنايى مەكەمەلەرىنەن كەلدى»دەپ جازعان ەدى. ۇلتتىق بارلاۋ اگەنتتىگى باسپاسوزگە جاريا­لاۋعا سەبەپ بولعان بۇل مالىم­دە­مەنى ۋكراينانىڭ افيناداعى ەلشىسى سەرگي شۋتەنكو مەن ارمەنيانىڭ افيناداعى ەلشى­سى تيگران مكرتچيان جوققا شىعار­دى.

داۋلى وقيعاعا قاتىستى حا­لىق­­ارالىق ادام قۇقىعىن قور­عاۋ ۇيىمى الاڭداۋشىلىق ءبىل­دىرىپ, ۇيىمنىڭ ارنايى وكىلى ەۆا كوسسە مالىمدەمە جاسادى. گرە­كيا­دا ءباسپاسوز بوستاندىعىنا قاتىستى الاڭداۋشىلىقتاردىڭ ارتقانىنا نازار اۋدارعان كوسسە ۇكىمەتتىڭ تاۋەلسىز ۇيىمدارعا قى­­سىمىنىڭ كەڭەيگەنىن العا تارت­تى. بارلاۋ اگەنتتىگىنىڭ جەكەلەگەن ادامداردىڭ ۇيالى تەلەفوندارىن تىڭداۋى ەلدەگى تسەنزۋرا مەن وپپوزيتسيالىق توپتارعا دەگەن قىسىم ەكەنىن ايتقان ول  تاناسيس كوۋكاكيسپەن بىرگە اريس ماليچۋديس ەسىمدى ءجۋرناليستىڭ دە تەلەفونىنا ارنايى باعدارلاما ورناتىلىپ, تىڭدالعانى تۋرالى مالىمدەمە جاسادى. «بۇل ادام قۇقىقتارىن شەكتەۋدىڭ باستاماسى» دەپ باعالادى حالىقارالىق ادام قۇقىعىن قورعاۋ ۇيىمىنىڭ ارنايى وكىلى ەۆا كوسسە.

ەندى گرەكيا حالقى مەن تەلەفوندارى تىڭدالعان جابىر­لە­نۋ­شى­لەر الداعى پارلامەنتتىڭ جالپى وتىرىسىندا وقيعانىڭ نەگىزگى سەبەپكەرلەرى مەن جاۋاپتىلارى انىقتالىپ, قاجەتتى شارالار جۇ­زە­گە اسىرىلادى دەپ ۇمىتتەنەدى.