27 تامىزدا الماتىدا ءۋربانيستى جانە ەكسترەمالدى سپورت تۇرلەرىنەن «Almaty Urban Fest 2022» سپورت فەستيۆالى باستالادى. العاشىندا ىرىكتەۋ ءتۋرنيرى وتسە, ودان كەيىن گراند-فينالدى تاماشالايمىز. ال جەڭىمپازدار مەن جۇلدەگەرلەردىڭ ەسىمدەرى 17 قىركۇيەك كۇنى بەلگىلى بولادى.
1 100-دەن اسا جاستىڭ قاتىسۋىمەن وتەتىن اتالعان فەستيۆال بارىسىندا سكەيتەر, روللەر, ساموكات, BMX, باسكەتبول (3ح3), كوشە ءبيى, قول كۇرەسى, ۆوركاۋت, ترەيسەر جانە Dota 2 كيبەرسپورتتان باسەكەلەر ۇيىمداستىرىلادى. ىرىكتەۋ كەزەڭى ءتورت الاڭدا وتەدى. اتاپ ايتساق, باسكەتبول, ستريت ۆورك-اۋت, كوشە ءبيى جانە قول كۇرەسىنىڭ شەبەرلەرى «الماتى ارەنادا» ونەر كورسەتەدى. اگرەسسيۆتى روليك, كيك-سكۋتەر, BMX جانە سكەيتبوردينگتان سايىستار ورتالىق ساياباقتا وتەدى. ترەيسەرلەر 3RUNKZSCHOOL پاركۋر مەكتەبىندە جانە كيبەراتلەتتەر «ارەنا 2.0» كومپيۋتەر كلۋبىندا شەبەرلىك بايقاسادى. ال جانكۇيەرلەرگە قولايلى بولۋى ءۇشىن گراند-فينالدىڭ جالاۋى ءبىر سپورت الاڭىندا, ياعني «الماتى ارەنادا» جەلبىرەيدى. ءدۇبىرلى دودا اياقتالعان بەتتە كورەرمەندەر ەسترادا ونەرپازدارىنىڭ قاتىسۋىمەن وتەتىن كونتسەرتتىك باعدارلامانى تاماشالايدى.
الاتاۋ بوكتەرىندە ورنالاسقان اسەم قالادا Almaty Urban Fest فەستيۆالى بۇعان دەيىن ەكى رەت دۇركىرەپ وتكەن ەدى. جەرگىلىكتى سپورت باسقارماسىنىڭ مۇرىندىق بولۋىمەن 2019 جانە 2021 جىلدارى ۇيىمداستىرىلعان جارىستار جوعارى دەڭگەيدە ءوتىپ, كوپشىلىكتىڭ قىزىعۋشىلىعىن تۋعىزدى.