باس ءمۇفتي ناۋرىزباي قاجى تاعان ۇلىنىڭ بۇيرىعىمەن قازاقستان مۇسىلماندارى ءدىني باسقارماسى جانىنداعى رەسپۋبليكالىق باس مەشىتكە يمام تاعايىندالدى, دەپ حابارلايدى Egemen.kz.
بۇگىن باس ءمۇفتي باس مەشىت جاماعاتىنا يمامدى تانىستىرىپ, بۇيرىعىن وقىپ بەردى. «قمدب جانىنداعى رەسپۋبليكالىق باس مەشىتكە قىدىرمين قانات قويانبەك ۇلى يمام بولىپ تاعايىندالسىن» دەلىنگەن قمدب توراعاسى ناۋرىزباي قاجى تاعان ۇلىنىڭ بۇيرىعىندا.
باس ءمۇفتي قانات قىدىرميننىڭ ءدىني سالاداعى ءبىلىمى مەن تاجىريبەسىن ايرىقشا اتاپ, جاڭا جۇمىسىنا ساتتىلىك تىلەپ, يگى ىستەرىنە دۇعا جاسادى.
ايتا كەتسەك, قانات قويانبەك ۇلى وسىعان دەيىن اقمولا وبلىسىنىڭ باس يمامى, «ازىرەت سۇلتان» مەشىتىندە نايب يمام, ۇستاز بولىپ جۇمىس ىستەدى. سونىمەن قاتار, قمدب جانىنداعى «زەكەت جانە قايىرىمدىلىق» قورىنىڭ ديرەكتورى قىزمەتىن اتقاردى.