«قر پرەزيدەنتىنىڭ ءىس باسقارماسى مەديتسينالىق ورتالىعىنىڭ اۋرۋحاناسى» شجق رمك يادرولىق مەديتسينا ورتالىعى جاقىندا جۇمىسىن باستايدى, دەپ حابارلايدى Egemen.kz.
ورتالىق فتور-18, كومىرتەك-11 جانە گالي-68 نەگىزىندە راديوفارمپرەپاراتتار (رفپ) وندىرۋگە مۇمكىندىك بەرەدى. بۇگىندە ەلىمىزدە ءبىر عانا رفپ بار.
«ورتالىقتىڭ تسيكلوتروندى كەشەنى پەت-دياگنوستيكا جاساۋ ءۇشىن 9 راديوفارمپرەپارات ءوندىرىسىن جولعا قويۋعا مۇمكىندىك بەرەدى. ولار دياگنوز قويۋ قيىن وبىر اۋرۋلارىن, سونداي-اق كارديولوگيالىق جانە نەۆرولوگيالىق اۋرۋلاردى ەرتە كەزەڭدە ايىرىپ تانۋعا مۇمكىندىك بەرەدى. بۇل پرەپاراتتاردىڭ 8-ءى قازاقستاندا بۇرىن وندىرىلمەگەن», دەيدى ماماندار.
دياگنوستيكالىق بلوكتىڭ نەگىزى بۇگىنگى تاڭدا الەمدىك مەديتسينا يندۋسترياسىندا قولجەتىمدى.
يادرولىق مەديتسينا ورتالىعىنىڭ اشىلۋى قازاقستاندىقتارعا كورسەتىلەتىن مەديتسينالىق كومەكتىڭ ساپاسىن ەداۋىر ارتتىرۋعا جانە پاتسيەنتتەردىڭ زەرتتەۋگە كەزەگىن ازايتۋعا مۇمكىندىك بەرەدى, سوعان سايكەس پاتسيەنتتەر زەرتتەۋگە 3-4 اي بۇرىن جازىلا الادى.
سونداي-اق بۇل كەشەننىڭ ەرەكشەلىگى رادياتسيالىق قاۋىپسىزدىك جانە فارماتسەۆتيكالىق ساپا جۇيەسىنىڭ تالاپتارىنا سايكەس جوسپارلانعان 9 رفپ بارلىق جەلىسىن ءوندىرۋدى قامتاماسىز ەتۋ ءۇشىن وندىرىستىك, تالدامالىق, دوزيمەتريالىق جابدىقپەن قامتاماسىز ەتىلگەن.
يادرولىق مەديتسينا ورتالىعى كوپ ۇزاماي جۇمىسىن باستايدى.