شىعىس قازاقستان وبلىسىندا جەڭىل كولىك پەن كاماز سوقتىعىستى. اپات سالدارىنان 3 ادام اۋرۋحاناعا جەتكىزىلدى, دەپ حابارلايدى Egemen.kz.
شقو توتەنشە جاعدايلار دەپارتامەنتى تاراتقان حابارلاماعا سايكەس, جول-كولىك وقيعاسى 21 تامىز كۇنى «وسكەمەن-التاي» تاسجولىندا بولعان.
تويوتا اۆتوكولىگى مەن كاماز سوقتىعىستى.
«جول اپاتى سالدارىنان ءۇش ادام زارداپ شەكتى. ەكى ادامدى جەدەل جاردەم قىزمەتكەرلەرى الىپ كەتتى. ال جەڭىل اۆتوكولىكتىڭ 1976 جىلى تۋعان جۇرگىزۋشىسىنە اپاتتار مەديتسيناسى ورتالىعىنىڭ دارىگەرلەرى سول جەردە العاشقى مەديتسينالىق كومەك كورسەتتى. سودان كەيىن ول ءبىرىنشى قالالىق اۋرۋحاناعا جەتكىزىلگەن», دەلىنگەن اقپاراتتا.
بەلگىلى بولعانداي, ەر ادامعا مويىن جاراقاتى دياگنوزى قويىلدى.
جول اپاتىنىڭ ءمان-جايى انىقتالىپ جاتىر.