قازاقستاندا وقۋ ۇلگەرىمى تومەن 500 مىڭعا جۋىق بالا بار. بۇل تۋرالى وقۋ-اعارتۋ ءمينيسترى اسحات ايماعامبەتوۆ پەداگوگتەردىڭ رەسپۋبليكالىق تامىز كونفەرەنتسياسىندا ايتتى, دەپ حابارلايدى Egemen.kz.
«ەلىمىزدە «تسيفرلىق پەداگوگ» جوباسى باستالادى. قازىرگى كەزدە وقۋ ۇلگەرىمى تومەن 500 مىڭعا جۋىق بالا بار. وسى بالالاردى اتالعان جوبامەن قامتيتىن بولامىز. وقۋ ۇلگەرىمى تومەن بالالار ءۇشىن ءار جۇما سايىن بىرنەشە ءپان بويىنشا قوسىمشا ساباقتار بەرىلەدى», دەدى ا. ايماعامبەتوۆ.
وسى ورايدا ول اتالعان بالالارعا پسيحولوگتار دا كومەكتەسەتىنىن ايتتى.
«بۇل جوبانى جاڭا وقۋ جىلىنان باستاپ ەلىمىزدىڭ بارلىق وڭىرىندە ەنگىزەمىز», دەدى ۆەدومستۆو باسشىسى.