ءماجىلىس دەپۋتاتتارى بەرىك بەكجانوۆ, بەرىك وسپانوۆ پەن فاحريددين قاراتاەۆ شىمكەنت قالاسىنا بارىپ, ءال-فارابي اۋداندىق جۇمىسپەن قامتۋ ورتالىعىنىڭ ۇجىمىمەن كەزدەستى. بۇل جونىندە پالاتانىڭ ءباسپاسوز قىزمەتى حابارلادى.
شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا اتاپ وتكەندەي, اۋداندىق ورتالىقتا بۇگىندە 20 قىزمەتكەر قالا تۇرعىندارىنا قىزمەت كورسەتەدى. مەگاپوليس مارتەبەسىن العالى قالاداعى ءتورت اۋداندا اۋداندىق جۇمىسپەن قامتۋ ورتالىقتارى اشىلىپ, وسى باعىتتا شارالاردى ىسكە اسىرىپ كەلەدى.
دەپۋتاتتار Amanat پارتياسىنىڭ 2021-2025 جىلدارعا ارنالعان سايلاۋالدى باعدارلاماسىن ىسكە اسىرۋ ماقساتىندا دايىندالعان جول كارتاسىن ءتيىمدى جۇزەگە اسىرۋ ماسەلەلەرىن پىسىقتاپ, اتاۋلى الەۋمەتتىك كومەك تاعايىندالعان تۇرعىندار تۋرالى كەڭىنەن اقپارات الدى.
ب.بەكجانوۆتىڭ ايتۋىنشا, ورتالىق ەڭبەك نارىعىندا سۇرانىسقا يە ماماندىقتار بويىنشا قىسقا مەرزىمدى كاسىپتىك وقىتۋدى جوعارى دەڭگەيدە ۇيىمداستىرعان.
«جەتىم بالالار, مۇمكىندىگى شەكتەۋلى جاندار, پروباتسيا قىزمەتىنىڭ ەسەبىندە تۇرعان ادامدار مەن باس بوستاندىعىنان ايىرۋ ورىندارىنان بوساتىلعان ازاماتتار جۇمىسپەن قامتىلعان. وسىعان بايلانىستى ەلىمىزدەگى جۇمىسسىز جۇرگەن ازاماتتارعا قولداۋ كورسەتىپ, ەڭبەككە ارالاستىراتىن ورتالىقتاردىڭ جۇمىسىن ارتتىرۋ كەرەك», دەدى دەپۋتات.
كەزدەسۋ بارىسىندا جول كارتاسىندا جوسپارلانعان اگروكەشەن ايماعىن, جىلىجاي, سونداي-اق ستۋدەنتتەرگە ارنالعان جاتاقحانالاردى ۋاقىتىلى سالۋ ماسەلەلەرى تالقىلاندى.
ال ءماجىلىس دەپۋتاتى تىلەكتەس ادامبەكوۆ قاراعاندى وبلىسىنداعى اباي شاحتاسىنا بارىپ, ەڭبەك ۇجىمىمەن كەزدەستى. جيىندا شاحتەرلەر زەينەتكەرلىك جاستى تومەندەتۋ مەن ەلدەگى ازىق-ت ۇلىك پەن جىلجىمايتىن م ۇلىك باعاسىنىڭ وسۋىنە شاعىمداندى. دەپۋتات زەينەتكەرلىك جاستى وزگەرتۋ ماسەلەسى ۇكىمەتتە دە, دەپۋتاتتىق كورپۋستا دا قارالىپ جاتقانىن جەتكىزدى.