شىعىس قازاقستان وبلىسىندا بارلىق مەكتەپ بەس كۇندىك وقۋ اپتاسىنا كوشەدى. بۇل تۋرالى ايماقتا وتكەن جاڭا وقۋ جىلىنا دايىندىق تاقىرىبىندا وتكەن ءباسپاسوز ءماسليحاتى بارىسىندا بەلگىلى بولدى, دەپ حابارلايدى Egemen.kz.
وبلىستىق ءبىلىم باسقارماسى باسشىسىنىڭ ورىنباسارى دينارا شاۋحينانىڭ ايتۋىنشا, بۇدان بىلاي تسەنبى كۇندەرى قوسىمشا ساباقتار دا وتكىزىلمەيدى.
«وڭىردەگى مەكتەپتەردىڭ بارلىعى بەس كۇندىك وقۋ اپتاسىنا كوشەدى. سەنبى-جەكسەنبىدە بالالار دا, مۇعالىمدەر دەمالادى. قوسىمشا ساباقتار دا وتكىزىلمەيدى. مەنىڭ ويىمشا, بۇل وقۋ پروتسەسىنىڭ ساپاسىنا, سونداي-اق بالالاردىڭ دەنساۋلىعىندا دا وڭ اسەر ەتەدى», دەپ مالىمدەدى شقو ءبىلىم باسقارماسى باسشىسىنىڭ ورىنباسارى دينارا شاۋحينا.