ۇلتتىق بانك توراعاسىنىڭ ورىنباسارى اقىلجان بايماعامبەتوۆ مۇناي باعاسىنىڭ ەداۋىر وسۋىنەن ۇلتتىق قورعا تۇسىمدەر كوبەيگەنىن ايتتى, دەپ حابارلايدى Egemen.kz.
«جالپى حالىقارالىق رەزەرۆتەر بيىلعى شىلدەنىڭ سوڭىندا 85,9 ملرد دوللار, ونىڭ ىشىندە قر ۇلتتىق بانكىنىڭ التىن-ۆاليۋتا اكتيۆتەرى – 32,8 ملرد دوللار, ۇلتتىق قوردىڭ اكتيۆتەرى – 53,1 ملرد دوللار بولدى. رەسپۋبليكالىق بيۋدجەتكە 3 ترلن تەڭگە ترانسفەرت ءبولۋ ءۇشىن بيىلعى 7 ايدا ۇلتتىق قوردىڭ ۆاليۋتالىق اكتيۆتەرى 3,3 ملرد دوللارعا ساتىلدى. مۇناي باعاسىنىڭ ەداۋىر وسۋىنەن ۇلتتىق قورعا تۇسىمدەر جىل باسىنان بەرى شامامەن 3,5 ەسەگە ۇلعايىپ, 3,4 ترلن تەڭگە بولدى», دەدى اقىلجان بايماعامبەتوۆ ۇكىمەت وتىرىسىندا.
ونىڭ ايتۋىنشا, ۇلتتىق قوردىڭ ورتاشا جىلدىق كىرىسى قۇرىلعاننان باستاپ بيىلعى شىلدەگە دەيىن – 3,17%, سوڭعى 5 جانە 10 جىلدا تيىسىنشە, 1,70% جانە 1,67%.