قر پرەزيدەنتى اكىمشىلىگىنىڭ كەلىسىمىمەن, تۇركىستان وبلىسى اكىمىنىڭ وكىمىمەن تاسوۆ جاندوس قالمىرزا ۇلى كەنتاۋ قالاسىنىڭ اكىمى بولىپ تاعايىندالدى, دەپ حابارلايدى Egemen.kz.
جاندوس تاسوۆ 1987 جىلدىڭ 22 قاڭتارىندا تۇركىستان وبلىسى تۇركىستان قالاسىندا دۇنيەگە كەلگەن.
ەڭبەك جولىن 2013 جىلى «گرادكومپلەكس» جشس ارحيتەكتورى بولىپ باستاعان.
2013-2014 جىلدارى تۇركىستان قالاسى اكىمدىگىنىڭ ساۋلەت جانە قالا قۇرىلىسى ءبولىمىنىڭ ينسپەكتورى, تۇركىستان قالاسى اكىمدىگىنىڭ ساۋلەت جانە قالا قۇرىلىسى ءبولىمىنىڭ باس مامان مىندەتىن اتقارۋشىسى, 2014-2017 جىلدارى تۇركىستان قالاسى اكىمدىگىنىڭ ساۋلەت جانە قالا قۇرىلىسى ءبولىمىنىڭ باس مامانى قىزمەتىن اتقارعان. 2017-2018 جىلدارى تۇركىستان قالاسى اكىمدىگىنىڭ ساۋلەت جانە قالا قۇرىلىسى ءبولىمى مەملەكەتتىك مەكەمەسىنىڭ سەكتور مەڭگەرۋشىسى, 2018-2020 جىلدار ارالىعىندا تۇركىستان قالاسى اكىمدىگىنىڭ ساۋلەت جانە قالا قۇرىلىسى ءبولىمنىڭ باسشىسى بولعان. 2020-2021 جىلدارى تۇركىستان قالاسى اكىمدىگىنىڭ قۇرىلىس ءبولىمنىڭ باسشىسى بولىپ ەڭبەك ەتتى.
2021 جىلعى 19 اقپاننان بەرى تۇركىستان قالاسى اكىمىنىڭ ورىنباسارى لاۋازىمىن اتقاردى.