ۇلتتىق ستاتيستيكا بيۋروسىنىڭ جاڭارعان دەرەكتەرىنە قاراعاندا, 2022 جىلعى 1 شىلدەدەگى جاعداي بويىنشا ەل حالقىنىڭ سانى 19 ملن 246 مىڭ 300 ادامدى قۇرادى, ونىڭ ىشىندە قالالىق – 11 ملن 479,6 مىڭ (59,6%), اۋىلدىق – 7 ملن 766,7 مىڭ (40,4%) ادام, دەپ حابارلايدى Egemen.kz.
2021 جىلعى 1 شىلدەمەن سالىستىرعاندا حالىق سانى 236,7 مىڭ ادامعا نەمەسە 1,2%-عا ءوستى.
ستاتيستيكاعا سۇيەنسەك, 2022 جىلعى قاڭتار-ماۋسىمدا رەسپۋبليكا حالقىنىڭ تابيعي ءوسىمى 2021 جىلعى قاڭتار-ماۋسىممەن سالىستىرعاندا (139,7 مىڭ ادام) 7,7% - عا تومەندەپ, 128,9 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,51 ادامدى قۇرادى.
احات ورگاندارىنىڭ دەرەكتەرى بويىنشا 6 ايدا قازاقستاندا 198,1 مىڭ ادام دۇنيەگە كەلدى, بۇل 2021 جىلدىڭ سايكەس كەزەڭىمەن سالىستىرعاندا 8,4% - عا از (216,2 مىڭ ادام). تۋدىڭ جالپى كوەففيتسيەنتى 1000 ادامعا 20,76 تۋىلعانداردى قۇرادى.
وسى ۋاقىت ىشىندە 69,2 مىڭ ادام قايتىس بولدى, بۇل وتكەن جىلدىڭ 6 ايىمەن سالىستىرعاندا 9,6% - عا از (76,6 مىڭ ادام). ءولىمنىڭ جالپى كوەففيتسيەنتى 1000 ادامعا شاققاندا 7,25 ءولىمدى قۇرادى.
وسى كەزەڭدە رەسپۋبليكادا ءبىر جاسقا دەيىنگى 1649 ءسابيدىڭ ءولىمى تىركەلدى.
وتكەن جىلدىڭ سايكەس كەزەڭىمەن سالىستىرعاندا (1688 ءسابيدىڭ شەتىنەۋى) بالالار ءولىمى 2,3%-عا تومەندەدى. جالپى, نارەستەلەر ءولىمىنىڭ كوەففيتسيەنتى 1000 تۋىلعانعا 8,32 جاعدايدى قۇرادى.