ينۆەستيتسيا سالاسىنداعى ماركەتينگتىك كومپانيانىڭ اتىن جامىلعان «MMK Investment» قارجى پيراميداسىنا قاتىستى سوتقا دەيىنگى تەرگەۋ باستالدى, دەپ حابارلايدى Egemen.kz قارجىلىق مونيتورينگ اگەنتتىگىنىڭ ەلوردالىق دەپارتامەنتىنە سىلتەمە جاساپ.
اگەنتتىك حابارلاعانداي, مۇنداي كومپانيا وكىلدەرى سالىمشىلاردى ەڭ از $50 ينۆەستيتسيامەن تارتا وتىرىپ, كۇندەلىكتى جوعارى تابىس جانە اكەلىنگەن ءاربىر كليەنت ءۇشىن قوسىمشا اقشا تولەۋگە ۋادە بەرەدى.
جەكە شوتتاعى ءاربىر سالىم سوماسى شارت جاساماي «تسيفرلىق تۇردە» كورسەتىلدى.
سونىمەن قاتار, مۇنداي جالعان قارجىلىق ۇيىم كليەنتتەرىنىڭ ينۆەستيتسيالانعان قاراجاتتى الۋ مۇمكىندىگى جوق, تەك شوتتى تولتىرۋ بار.
MMK Investment كومپانياسىنىڭ زاڭسىز قىزمەتى الەۋمەتتىك جەلىلەر ارقىلى جارنامالاندى.
قارجى پيراميداسىن ۇيىمداستىرعان كۇدىكتى قاماۋعا الىندى.
قپك 201-بابىنىڭ تالاپتارىنا سايكەس سوتقا دەيىنگى تەرگەۋدىڭ باسقا دەرەكتەرى تەرگەۋ مۇددەسى اياسىندا جاريالاۋعا جاتپايدى.