مەملەكەتتىك قىزمەتشىلەردى روتاتسيالاۋ تارتىبىنە سايكەس قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اباي وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەستىڭ توراعاسى لاۋازىمىنا ادىلبەك مۇقاشەۆ تاعايىندالدى, دەپ حابارلايدى Egemen.kz.
ادىلبەك قايىربەك ۇلى مۇقاشەۆ 1981 جىلى سولتۇستىك قازاقستان وبلىسىندا دۇنيەگە كەلگەن.
ب.بەيسەنوۆ اتىنداعى قاراعاندى اكادەمياسىن «قۇقىقتانۋ» جانە ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قارجى» ماماندىعى بويىنشا بىتىرگەن.
زاڭ عىلىمدارىنىڭ كانديداتى. مەملەكەتتىك قىزمەتتەگى جالپى ەڭبەك ءوتىلى 22 جىلدان اسادى. مەملەكەتتىك قىزمەتتە ەڭبەك جولىن قازاقستان رەسپۋبليكاسى مادەنيەت جانە اقپارات مينيسترلىگىنىڭ اكىمشىلىك-قۇقىقتىق جۇمىس دەپارتامەنتىنىڭ باس مامانى بولىپ باستاعان. سوت جۇيەسىندە جانە قازاقستان رەسپۋبليكاسى پرەزيدەنتىنىڭ اكىمشىلىگىندە جۇمىس تاجىريبەسى بار.
2014 جىلدان باستاپ مەملەكەتتىك قىزمەت سالاسىنداعى ۋاكىلەتتى ورگاندا جۇمىس ىستەيدى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سولتۇستىك قازاقستان وبلىسى بويىنشا دەپارتامەنتى باسشىسىنىڭ ورىنباسارى – تارتىپتىك كەڭەس توراعاسى, مەملەكەتتىك قىزمەت كورسەتۋ دەپارتامەنتىنىڭ ديرەكتورى, پاۆلودار وبلىسى بويىنشا اۋماقتىق دەپارتامەنتىنىڭ باسشىسى – ادەپ جونىندەگى كەڭەس توراعاسى بولىپ قىزمەت اتقارعان.
اتالعان لاۋازىمعا تاعايىندالعانعا دەيىن ءا.ق.مۇقاشەۆ مەملەكەتتىك قىزمەت ىستەرى اگەنتتىگىنىڭ اقتوبە وبلىسى بويىنشا دەپارتامەنتى باسشىسى, ادەپ جونىندەگى كەڭەس توراعاسى بولدى.
مەملەكەتتىك قىزمەتشىلەردى روتاتسيالاۋدىڭ باستى ماقساتى – مەملەكەتتىك قىزمەتتى وتكەرۋ كەزىندە كاسىبي الەۋەتتىڭ نەعۇرلىم ءتيىمدى پايدالانىلۋىن قامتاماسىز ەتۋ.