وسى جىلدىڭ 15-24 تامىز ارالىعىندا اتىراۋ قالاسىندا «Atyrau Chess Festival 2022» اتتى العاشقى حالىقارالىق شاحمات فەستيۆالى وتەدى. فەستيۆالدى كورنەكتى قازاقستاندىق سپورتشى, الەم چەمپيوناتتارىنىڭ جەڭىمپازى دينارا سادۋاقاسوۆا نەگىزىن قالاعان شاحمات اكادەمياسى ۇيىمداستىرىپ وتىر. جارىستىڭ جۇلدە قورى 13 ميلليون تەڭگەدەن اسادى, دەپ حابارلايدى Egemen.kz.
جارىسقا 300-گە جۋىق شاحمات جانكۇيەرلەرى قاتىسادى. 260 قاتىسۋشى تىركەلدى, ونىڭ ىشىندە 9 ەلدىڭ تانىمال حالىقارالىق گروسسمەيستەرلەرى مەن حالىقارالىق شەبەرلەرى - قازاقستاننان باسقا اقش, نيدەرلاندى, ليتۆا, ۋكراينا, تاجىكستان, وزبەكستان, بەلارۋس جانە رەسەي ويىنشىلارى بار.
فەستيۆالدىڭ رەسمي اشىلۋى 16 تامىزعا جوسپارلانعان. باعدارلامادا ءۇش نەگىزگى تۋرنير جاريالانعان - «Atyrau Open», «Atyrau Juniors» جانە «Atyrau Blitz». ولاردىڭ ارقايسىسىنىڭ ناتيجەلەرى ايگىلى شۆەيتساريالىق جۇيە بويىنشا باعالانادى جانە ويىنداردى ونلاين رەجيمدە www.chess.com, www.chess24.com, www.nxt.chessbomb.com سايتتارى مەن فەستيۆالدىڭ www.atyrauchessfestival.kz رەسمي سايتىنان كورۋگە بولادى.
سونىمەن قاتار شەبەرلىك ساباقتار مەن ءبىر مەزگىلدە وتەتىن ويىن سەانسى كۇتىلۋدە. فەستيۆال اياسىندا تورەشىلەر ەمتيحاندى ءساتتى تاپسىرىپ, FIDE تورەشىسى اتاعىن الا الاتىن حالىقارالىق اربيترلەردىڭ العاشقى سەمينارى وتكىزىلەدى.
ء«بىزدىڭ فەستيۆالدىڭ ماقساتى – قازاقستاندا شاحماتتىڭ سپورت ءتۇرى رەتىندە جان-جاقتى دامۋىنا ۇلەس قوسۋ. تۋرنير ءتۇرلى ەلدەر مەن جاس وكىلدەرىنىڭ باسىن قوساتىن ەلەۋلى وقيعا بولادى دەپ ۇمىتتەنەمىز. شارا اياسىندا ءاربىر شاحمات جانكۇيەرى ءوزىنىڭ كۇشىن «شايقاس الاڭىندا» تاجىريبە جۇزىندە سىناپ كورە الادى. فەستيۆالدىڭ بارلىق قاتىسۋشىلارىنا تەك ساتتىلىك پەن جەڭىس تىلەيمىن», دەدى فەستيۆالدىڭ ۇيىمداستىرۋشىسى, بىرنەشە دۇركىن الەم چەمپيونى, سونداي-اق 2019 جىلى ايەلدەر اراسىنداعى كلاسسيكالىق شاحماتتان ازيا چەمپيوناتىن جەڭىپ العان تۇڭعىش قازاقستاندىق دينارا سادۋاقاسوۆا.
جالپى كەپىلدەندىرىلگەن جۇلدە قورى 13 257 500 تەڭگەنى قۇرايدى.