يزرايل ارمياسى كەشە گازاداعى ارمال اۋدانىن اتقىلاپ, «يسلام جيھادى» توبى كومانديرلەرىنىڭ ءبىرىن مەرت قىلدى. بۇل تۋرالى اتالعان ەلدىڭ قولباسشىلىعى ءمالىم ەتتى, دەپ حابارلايدى Egemen.kz «حابار 24» ارناسىنا سىلتەمە جاساپ.
بۇدان بولەك, تاعى 10 ادام كوز جۇمىپ, 40-تان استامى جاراقات العان. گازا سەكتورىنىڭ دەنساۋلىق ساقتاۋ مينيسترلىگى تاراتقان اقپارات بويىنشا قازا بولعانداردىڭ اراسىندا بەيبىت تۇرعىندار دا بار. ءوز كەزەگىندە «يسلام جيھادى» ءيزرايلدىڭ مۇنداي ارەكەتى جاۋاپسىز قالمايتىنىن ايتىپ, قارسى سوققى جاسايتىنىن جەتكىزدى. وسىعان بايلانىستى گازا سەكتورىمەن شەكارالاس اۋدانداردا جوعارى دايىندىق رەجيمى جاريالاندى. تۇرعىندارعا ساقتىق تانىتۋ كەرەگى ايتىلدى. رەزەرۆتەگى 25 مىڭ ادام اسكەري قىزمەتكە شاقىرىلدى. كەشكە قاراي گازا سەكتورى اۋماعىنان وڭتۇستىك جانە ورتالىقتا ورنالاسقان قالالارعا زىمىران اتىلا باستادى. ازىرگە زارداپ شەككەندەر تۋرالى دەرەك جوق.